Oichi
Oichi (aksara Jepang: お市) inggih punika silih sinunggil tokoh istri sane kasub ring jaman Sengoku Jepang[1]. Oichi wantah rain Oda Nobunaga, sang sane nyatuang gumi Jepang ring jaman Sengoku, tur rabin kalih tokoh daimyo (sang sane maduwe tanah utawi negeri) Azai Nagamasa lan Shibata Katsuie. Wenten critra sane ngebaosang Oichi puniki inggih punika anak istri sane maparas ayu ring jaman Sengoku.
| Oichi-no-kata お市 Oichi | |
|---|---|
 Lukisan Oichi | |
| Embas | 1558 |
| Séda | 14 Juni 1583 (mayusa ~25) Puri Kitanosho ring Perang Shizugatake |
| Pasangan aumah | Azai Nagamasa Shibata Katsuie |
| Oka | Chacha Ohatsu Oeyo Manpukumaru |
| Rerama | Oda Nobuhide Tsuchida Gozen |
| Semeton |  Klan Oda Klan Azai Klan Shibata |
Oichi inggih punika rai Oda Nobunaga sane ngamargiang masa trunine ring wewidangan Owari. Pinih riin, ia wantah rabinnyane Shibata Katsuie pinaka kepahan saking strategi politik Nobunaga sasampun Katsuie masumpah satya saking ia. Nanging, ipun sareng kalih mapalasan ring warsa 1567 ritatkala Nobunaga mabuat aliansi sane sayan kukuh lan Oichi karabian sareng saingannyane, Azai Nagamasa[2].
Marabian sareng Nagamasa, Oichi madue putra asiki, Manjumaru, miwah tiga putri: Cha-cha (salanturnyane kaloktah dados Yodo Gimi), O-Hatsu, miwah O-go. Paiketan klan Azai lan Oda sayan kaon ritatkala Nagamasa miwalang Nobunaga lan nyarengin klan Asakura. Risampune suwe mayuda, pasukan Oda raris menang tur ngepung puri Odani. Nagamasa pamuputne nyerahang Oichi lan putri-putrine mawali ka Nobunaga sadurung ngalaksanayang seppuku (alihpati) sareng putrane.
Sawetara warsa 1574, Oichi marabian malih sareng Katsuie. Nanging, idupnyane nemu lacur sesampun Nobunaga padem. Katsuie mayuda sareng Toyotomi Hideyoshi antuk kuasa, lan pasukannyane kakaonang ring perang Shizugatake. Sesampun ia uning pacang kalah, Katsuie ngamargiang seppuku ring purinnyane. Raris Oichi nyerahang putri-putrine ring Toyotomi Hideyoshi lan nyarengin alihpati sareng Katsuie antuk meneng ring puri sane kageseng.
Wenten satua Oichi puniki katresnain olih keluwarga miwah pengawal-pengawalnyane, rumasuk Shibata Katsuie miwah Maeda Toshiie sane wenten rasa ring Oichi. Tiosan ring punika, Azai Nagamasa yukti-yukti tresna ring ipun santukan Oichi wantah rabi sane becik pisan. Akeh jadma sane ngebaosang Oichi puniki satya pisan ring Azai Nagamasa miwah Shibata Katsuie.
Wenten taler satua sane ngebaosang Oichi tan seneng ring Toyotomi Hideyoshi, sane minab silih sinunggil awanan ia tan nyelamatang dewek rikala Katsuie kalah mayuda sareng Toyotomi Hideyoshi
- Ring game Samurai Warriors utawi Sengoku Musou (戦国無双), Oichi kagambarang dados anak truni sane masenjata kendama (plalian tradisional Jepang). Ring sekuel game puniki ia kagambarang pinih dewasa[3].
- Ring game Sengoku Basara (戦国BASARA), Oichi wantah anak istri sane maduwe hidup sane kalintang pait. Kurenannyane kapademang olih Oda Nobunaga tur dados buduh. Ia masenjata double naginata tur maduwe kawisesan ngicalang tangan iblis[4].
- ↑ Yu, A. C. "Oichi no Kata (Lady Oichi) - Japanese Wiki Corpus". www.japanesewiki.com. Kaaksés 2025-04-13.
- ↑ Sansom, George (1961-06-01). A History of Japan, 1334-1615. Stanford University Press. ISBN 978-1-5036-2115-2.
- ↑ "Oichi". Koei Wiki (ring Inggris). Kaaksés 2025-04-13.
- ↑ "Oichi". Sengoku BASARA Wiki (ring Inggris). Kaaksés 2025-04-13.