Ngukur lacur

Berkas:Life expectancy 1950-2005.svg

Pangapti kauripan sampun sayan nincap lan konvergen ring akehnyane jagat. Afrika Sub-Sahara wawu puniki sampun sayan rered, wenten sane mapaiketan sareng epidemi AIDS . Grafik punika nyihnayang masa 1950 – 2005.

Persentase populasi ring jagate sane maurip kirang saking $1 nyabran rahina sampun tedun atenga ring 20 warsa. Akehnyane nincapang puniki sampun mamargi ring Asia Timur lan Selatan. Grafik punika nyihnayang masa 1981 – 2001.

Peta jagat sane nyihnayang HDI ( Indeks Pembangunan Manusia ) .

Peta kemiskinan jagat manut negara, nyihnayang persentase penduduk sane maurip kirang saking $1,25 nyabran rahina. Gatra punika kadasarin antuk warsa sane matiosan (2000-2006) antuk panegara sane matiosan. Data sané kirang anggén panegara sané mawarna abu-abu.

Peta jagat sané nyinahang pangapti urip .

Kamiskinan kaukur antuk cara sane matiosan olih badan sane matiosan, becik pemerintah utawi non pemerintah. Pangukuran prasida mutlak, sané nganutin standar tunggal, utawi relatif, sané manut ring konteks. Kamiskinan sampun kaloktah dados multidimensi, sane kawangun antuk faktor sosial, alam miwah ekonomi sane magenah ring sajeroning proses sosial politik sane jimbar.

Garis kemiskinan utama sane kaanggen ring OECD lan Uni Eropa inggih punika ukuran kemiskinan relatif sane kadasarin antuk 60% saking pendapatan median kulawarga. Amerika Serikat nganggen ukuran kemiskinan madasar antuk pikolih pra-pajak lan "rencana pangan ekonomi" Departemen Pertanian AS sane ngawinang 11% krama Amerika idup lacur, nanging puniki kabantah.

Bank Dunia nelatarang indik lacur ring istilah mutlak. Puniki negesang lacur ekstrim pinaka idup sane kirang saking US$1,90 nyabran rahina. ( PPP ), lan kemiskinan sane sedeng kirang saking $3,10 serahina.

Sampun kakenehang ring warsa 2008, 1,4 miliar jadma madue tingkat konsumsi ring sor US$1,25 serahina lan 2,7 miliar idup kirang saking $2 serahina.