Ngayah
Ngayah punika kearifan lokal sane wenten, mentik lan nglimbak ring Bali. Yadiastun budaya ngayah punika kantun kamargiang kantos mangkin tur durung luntur manut galah. Ngayah inggih punika istilah majeng ring jadma utawi kelompok sane makarya tulus tanpa polih imbalan materi. Ring internasional, konsep ngayah mirib pisan sareng konsep swagina, nanging ngayah kantun nganutin tata titi adat lan tata titi sosial sane wenten ring masyarakat Bali. Ngayah inggih punika kewajiban sosial krama Bali (Suku Bali). Manut krama Bali, antuk ngamargiang ngayah ipun sampun sinarengan nagingin kewajiban sosial miwah agama Hindu. Ngayah ketahnyane kamargiang malarapan antuk saling kerjasama ring banjar (wewidangan sane mirib sareng Persatuan Lingkungan) utawi ring genah suci (pura). Ring sajeroning ngamargiang ngayah, nenten wenten tetimbang indik latar belakang pendidikan, pakaryan, utawi status sosial. Sane madue manah lascarya lan niat lascarya dados nyarengin ngelaksanayang ngayah. [1]