Negara bagian federasi
Negara bagian federasi (taler negara bagian, provinsi, wilayah, kanton, tanah, kabupaten, wilayah, emirat, utawi negara) inggih punika komunitas teritorial miwah konstitusional sané dados pahan saking federasi. [1] Negara federasi nénten madué kedaulatan internasional santukan kuasanyané kakepah pantaraning negara federasi tiosan miwah pamréntah federal . Nénten sekadi panegara berdaulat internasional, sané sering kasengguh kedaulatan Westphalian (sekadi sané kamargiang olih pamréntah federal ipuné), panegara federasi mamargi ring sor hukum domestik utawi federal ipuné sané mapaiketan sareng jagaté tiosan.
Sane mabuat, negara-negara federasi nenten madue kedudukan otomatis pinaka entitas hukum internasional. Nanging, serikat federal (federasi) pinaka siki entitas inggih punika negara sane berdaulat antuk tatujon hukum internasional. [2] Mapaiketan ring struktur konstitusional federasi, negara federasi prasida ngambel makudangkudang undagan yurisdiksi legislatif, yudikatif, miwah administrasi ring wawidangan geografis sané sampun katentuang miwah pinaka wentuk pamréntahan regional. Negara federasi prasida ngadegang kantor ring internasional, minakadi, mangda prasida ngalimbakang perdagangan utawi pariwisata, nanging kantun mamargi wantah ring sajeroning kebijakan perdagangan utawi hukum tiosan sane manggeh ring federasinyane, miwah panegara sane dados tuan rumahnyane. Ipun taler prasida ngamargiang paiguman regional internasional ring sor awig federasi miwah negara ipuné, minakadi nyaga sumber daya lintas batas sekadi toya utawi parindikan sareng sami.
Ring makudang-kudang kahanan, federasi kakaryanin saking paiketan entitas politik sané marupa wawidangan independen utawi gumantung ring entitas berdaulat tiosan (ketahnyané kuasa kolonial). [upper-alpha 1]
Ring kasus sane tiosan, negara-negara federasi sampun kakaryanin saking kepahan administrasi negara-negara sane sadurungnyane kesatuan. [upper-alpha 2]
Sasampun konstitusi federal kawangun, awig-awig sane ngatur paiketan kekuasaan federal lan regional dados pahan saking hukum konstitusional negara lan nenten hukum internasional.
Ring panegara sane madue konstitusi federal, wenten pahan kekuasaan pantaraning pemerintah pusat lan negara-negara komponen. Entitas puniki – negara bagian, provinsi, kabupaten, kanton, Länder, miwah sané tiosan – atengahnyané prasida ngatur raga miwah polih otonomi sané kajamin olih konstitusi sané banget matiosan saking federasi sané siki nuju federasi tiosan. [upper-alpha 3]
Manut ring wangun desentralisasi kekuasaan sane kaambil, kekuasaan legislatif negara bagian federal prasida utawi nenten prasida kagentosin utawi kaveto olih pemerintah federal. Hukum sane ngatur paiketan kekuasaan federal lan regional prasida kauwah malarapan antuk konstitusi nasional utawi federal, lan, yening wenten, konstitusi negara bagian taler.
Ring sajeroning politik internal, panegara federasi prasida madué wangun pamréntahan republik utawi monarki . Sane mawentuk republik (republik federasi) ketahnyane kasengguh negara bagian (sekadi negara bagian AS) utawi republik (sekadi republik ring bekas Uni Soviet).
- Negara sané mapaiketan
- Kabupaten Federal
- Wewidangan federal
- Federasi
- Daftar panegara manut sistem federal
- Daftar kepahan administrasi manut panegara
- Daftar wewidangan otonomi manut panegara
- Daftar negara berdaulat
- Persatuan supranasional
- ↑ The Australian National Dictionary: Fourth Edition, pg 1395. (2004) Canberra. ISBN 978-0-19-551771-2.
- ↑ Crawford, J. (2006). The Creation of States in International Law. Oxford, Clarendon Press.
| Umum | |
|---|---|
| Perpustakaan nasional | |
Pikobet nganggit: Ditemukan tag <ref> untuk kelompok bernama "upper-alpha", tapi tidak ditemukan tag <references group="upper-alpha"/> yang berkaitan