Naga
Naga inggih punika wasta kolektif majeng ring makudang-kudang buron mitos saking carita rakyat sané matiosan ring sajebag jagat. Ketahnyané, naga inggih punika reptil sané ageng, nanging ring carita rakyat sané matiosan kacingak mabinayan: umpaminyané, naga Éropa ring Abad Pertengahan kacingak sakadi kadal sané masif sané ngambekang api antuk kampid sané bermembran ring punggungnyané. Ring satua-satua rakyat Asia, naga pinih sering kacingak dados makhluk sané dawa, nénten madué kampid, sakadi lelipi sané makta rejeki sané becik. Ring satua-satua rakyat Slavia, naga punika kawastanin Zmey Gorynych, sané rupannyané sakadi kadal sané makampid tur maulu tiga. Para janané dumun iwang nyambat dinosaurus naga ritatkala ipun nénten sengaja manggihin sisa-sisannyané lan nénten madué pikayunan indik ipun. Yadiastun asal-usul makhluk mitos sakadi naga punika kantun nénten kauningin, kawentenannyané ring Gumi taler durung kacumpuin.