Mujair
Mujair (Oreochromis mossambicus) inggih pinika silih tunggil be sane ketah kaajeng. Kawentenan ulam puniki wenten ring Afrika lan ring Indonesia kapertama katemuang ring Indonesia olih Bapak Mujair ring wawidangan muara Tukad Serang pantai selatan Blitar, Jawa Timur duk warsa 1939.[1] Ulame punika maduwe pakilitannyane ring ulam nila (Oreochromis niloticus) sane mawit saking Afrika sisi kaja lan Levant.
Ulame puniki maduwe ukuran sedeng, lantang total maksimum kirang langkung 40 cm. Wentuk awaknyane lempeh antuk ciri warna selem, klau, kecokelatan utawi kuning.
Krepes tundunyane (dorsal) maduwe 15–17 duwi (lanying) lan 10–13 jari-jari (dui muncuk lunak); lan krepes jitnyane (anal) antuk 3 dui lan 9–12 jari-jari.
Mujair pinaka ulam asli perairan yeh tawar lan yeh payau ring wawidangan tenggara Afrika, ngawit saking Mozambik, Malawi, Zambia, Zimbabwe, kantos Tukad Bushman ring Provinsi Eastern Cape ring Afrika Kelod. Ulame puniki dangan idup lan adaptasi ring makudang genah lan kondisi. [2]
Ring genah mawitnyane, populasi mujair asli kadesek olih kawentenan ulam nila. Lianan santukan magarang amahan miwah genah idup, kakalih spesies puniki sering ngwantenan perkawinan silang sane ngembasang hibrida. Wicara puniki sampun wenten ring tukad Zambesi lan tukad Limpopo, sane manadosang mujair strain murni kakhawatirang jagi ical saking kalih genah perairan inucap.[2]
Ulam mujair ngawit kaintroduksi ka makudang-kudang genah ring dunia ngawit warsa 1930-an maka Ulam sane budidaya lan lan taler sida ngendaliang populasi entik-entikan yeh lan gumatat-gumitit.[3] Kemaon, mangkin mujair kakenal maka umal invasif santukan ngerugiang ulam asli santukan masaing ngrebutang amah-amahan lan genah mataluh, taler ngamah ulam sane cenikan. Taler, ulam puniki kanobatang maka angga ka-66 ring daftar "100 Jenis Asing Invasif Terburuk di Dunia" olih GISD.[4]
- ↑ K, M. Ghufran H. Kordi. Panduan Lengkap Memelihara Ikan Air Tawar di Kolam Terpal (ring Indonesia). Penerbit Andi. ISBN 978-979-29-1411-5.
- ↑ 2,0 2,1 "The IUCN Red List of Threatened Species". IUCN Red List of Threatened Species. Kaaksés 2025-11-22.
- ↑ Russell, D. J.; Thuesen, P. A.; Thomson, F. E. (2012-09-01). "A review of the biology, ecology, distribution and control of Mozambique tilapia, Oreochromis mossambicus (Peters 1852) (Pisces: Cichlidae) with particular emphasis on invasive Australian populations". Reviews in Fish Biology and Fisheries (ring Inggris). 22 (3): 533–554. doi:10.1007/s11160-011-9249-z. ISSN 1573-5184.
- ↑ "GISD". www.iucngisd.org. Kaaksés 2025-11-22.