Mikronésia

Mikronésia (UK: /ˌmaɪkrəˈniːziə/, US: /-ˈniːʒə/ (renge^ⓘ)) inggih punika subregion saking Oséania, sané kawangun antuk kirang langkung 2.000 nusa alit ring Samudra Pasifik Kalér Kauh. Puniki madué lelintihan budaya sané pateh sareng tiga wawengkon nusa tiosan: Maritim Asia Kelod Kangin ring sisi kauh, Polinésia ring sisi kangin, miwah Melanésia ring sisi kelod-taler sareng komunitas sané jimbar saking krama Austronésia.

Wawengkon puniki madué iklim segara tropis miwah pinaka pahan saking Widang Oséania. Puniki ngranjing papat kapuloan utama—Kapuloan Caroline, Kapuloan Gilbert, Kapuloan Mariana, miwah Kapuloan Marshall—taler akéh pisan nusa sané nénten dados pahan saking kapuloan napi manten.