Mesin sabuk sané magetar
Mesin sabuk getar inggih punika piranti sane kapromosiang antuk pasif ngirangin lemak ring angga malarapan antuk nganggen sabuk berosilasi utawi getar ring pinggang subjek latihan, tanpa latihan aktif olih sang sane nganggen. Piranti puniki sampun akeh kapromosiang ring warsa 1950-an lan 1960-an pinaka cara anggen mecah lemak ring weteng malarapan antuk getar.
Versi pangawit kakaryanin olih dokter miwah penemu Swiss Gustav Zander ring panguntat abad ka-19. Mesin Zander matetujon pinaka sarana pijet . [1] Versi tiosan kasobyahang ngawit warsa 1927 olih John Harvey Kellogg ring Sanitaum Battle Creek, pinaka "Pembangun Kesehatan Battle Creek," antuk klaim manfaat kesehatan tambahan. Duk warsa 1950-an, perangkat sane pateh kaadol anggen ngirangin lemak antuk pasif. Piranti punika dados elemen komedi lumrah saking acara televisi, sane kacingak saking I Love Lucy lan The Flintstones . [2] Ipun tetep kasub kantos warsa 1960-an, nanging sampun nenten malih kaanggen ring warsa 1980-an, ritatkala sampun sinah ipun nenten madue kawigunan sane prasida ngirangin lemak. [3]
Piranti punika ketahnyane kawangun antuk platform ring dija subjek prasida ngadeg, antuk pos sane nglimbak ka duur ngantos tingkat pinggang, masang motor listrik. Asiki utawi kalih sabuk kain sane linggah punika kapasang ring motor. Masanderan saking motorik, subjek prasida "olahraga" ring pahan angga sané kakayunin. [4] [5]
- ↑ "Belt Vibrator". Kansapedia. Kansas State Historical Society. July 2017. Kaaksés 17 May 2023.
- ↑ Hix, Lisa (May 26, 2011). "Too Lazy To Work Out? Machines That Exercise for You, From Victorian Era to Now". Collectors Weekly. Kaaksés 17 May 2023.
- ↑ Hall, Landon (October 10, 2013). "RetroFit: Good, but useless, vibrations". Orange County Register. Kaaksés 17 May 2023.
- ↑ "Belt Vibrator". Kansapedia. Kansas State Historical Society. July 2017. Kaaksés 17 May 2023.
- ↑ Hix, Lisa (May 26, 2011). "Too Lazy To Work Out? Machines That Exercise for You, From Victorian Era to Now". Collectors Weekly. Kaaksés 17 May 2023.