Maha Wihara Raja Dambulla
| Situs Tetamian Jagat UNESCO | |
|---|---|
 | |
 | |
| Genah | Dambulla, Distrik Matale, Sri Lanka |
| Pustaka | 561 |
| Prasasti | 1991 (sési ka-15) |
| Koordinat | 7°51′24″N 80°38′57″E / 7.85667°N 80.64917°E |
  Location of Maha Wihara Raja Dambulla
ring Sri Lanka | |
Maha Wihara Raja Dambulla (දඹුල්ල රජ මහා විහාරය; தம்புள்ளை பொற்கோவில்), taler kasengguh Kuil Mas Dambulla, inggih punika Situs Tetamian Jagat (1991) ring Sri Lanka, magenah ring tengah negara punika.[1] Situs niki magenah 148 kilométer (92 mi) dangin Colombo, 72 kilométer (45 mi) balér Kandy lan 43 kilométer (27 mi) balér Matale.
Dambulla inggih punika kompleks kuil goa sané pinih ageng miwah pinih becik kalestariang ring Sri Lanka. Menara batu punika tegehnyané 160 m ring duur dataran sané wenten ring sajebagnyané. Wenten langkungan saking 80 goa sané sampun kadokumentasiang ring wewidangan sané nampek. Objek wisata utama kasebar ring limang goa, sané madaging patung miwah gagambaran. Gagambaran lan arca-arca punika mapaiketan sareng Buddha Gautama lan kahuripannyané. Wenten akehnyané 153 patung Buddha, tiga patung raja Sri Lanka lan papat patung déwa lan déwi. sané kaping untat rumasuk Wisnu miwah Ganésha. Mural punika ngelintangin wewidangan 2,100 méter persegi (23,000 sq ft). Gambaran ring tembok goa-goa punika minakadi gegodan olih setan Mara, miwah Pitutur Ida Sang Buddha sané kapertama.
Jadma Sri Lanka pralelintihan pastika sampun meneng ring kompléks goa puniki sadurung rauh agama Budha ring Sri Lanka santukan wénten genah pendam antuk belulang manusa sané mayusa sawatara 2700 warsa ring wewidangan puniki, ring Ibbankatuwa nampek ring kompléks goa Dambulla.
- ↑ Golden Temple of Dambulla, UNESCO
