Madinah
Madinah,[lower-alpha 1] resmi al-Madinah al-Munawwarah (المدينة المنورة, Hejazi Arabic pronunciation: [al.maˈdiːna al.mʊˈnawːara]), taler kasengguh Taybah (طيبة) lan kauningin galah pra-Islam dados Yathrib (يَثْرِب), inggih punika ibu kota Propinsi Madinah ring wewidangan Hejaz sisi kauh Krajaan Arab Saudi. Puniki silih sinunggil genah sane pinih purwa lan pinih utama ring lelintihan Islam. kota sané pinih suci kaping kalih ring Islam, kramané ring warsa 2022 inggih punika 1.411.599, punika ngawinang kota sané pinih akéh kramannyané kaping pat ring panegara punika. Sawatara 58,5% saking kramane inggih punika warga negara Saudi lan 41,5% inggih punika warga asing.[1] Magenah ring inti Propinsi Madinah ring sisi kauh panegara, kota puniki kasebar ring 589 km2 (227 sq mi), ring dija 293 km2 (113 sq mi) ngawentuk wewidangan kota kota, nanging sisannyané kagenahin olih Pagunungan Hijaz, lebah suwung genah pertanian lan gunung berapi sané sampun suwé nénten kagarapin.
- ↑ ٱلْمَدِيْنَة ٱلْمُنَوَّرَة, al-Madīnah al-Munawwarah, "kota sané masinar"; utawi ٱلْمَدِيْنَة, al-Madīnah, (Hejazi Arabic pronunciation: [almaˈdiːna]), "kota"
- ↑ "Al-Madīnah (Al-Madīnah al-Munuwarah, Medina Region, Saudi Arabia) - Population Statistics, Charts, Map, Location, Weather and Web Information". City Population. Kaarsipin saking versi asli tanggal 4 February 2024. Kaaksés 2024-02-04.