Ludwig van Beethoven

Ludwig van Beethoven (kabaptis 17 Désémber 1770 – 26 Maret 1827) inggih punika komponis lan pianis Jerman. Silih sinunggil tokoh sané pinih kasub ring lelintihan musik Kauh, karya-karyannyané magenah ring pantaraning sané pinih kasobyahang saking repertoar musik klasik lan nglintangin transi saking Masa Klasik nuju masa Romantis. Pamahbah Beethoven, sasuen ida nempa kerajinanne, lumrahne kaanggép sampun mamargi ngantos warsa 1802. Saking warsa 1802 ngantos sawatara warsa 1812, masa tengahné nyinahang panglimbak individu saking gaya-gaya Joseph Haydn miwah Wolfgang Amadeus Mozart, tur ring kapahé kacihnayang pinaka pahlawan. Ring galahe punika, Beethoven ngawit sayan tumbuh pekak. Ring masa pamuputné, saking warsa 1812 ngantos 1827, ida nglimbakang inovasiné saking wangun lan ekspresi musik.

Sane embas ring Bonn, Beethoven nyihnayang bakat musiknyane duk kantun alit. Pamahbahné ida kaajahin manut sakadi intensif olih ajiné, Johann van Beethoven, lan salanturne olih Christian Gottlob Neefe. Ring sor pangambilan Neefe saking warsa 1783, ida nerbitang karya pertamané, saperangkat variasi keyboard. Ida ngacunduk kelegaan saking kahuripan jumah sané disfungsional teken kulawarga Helene von Breuning, sané pianakne ida tresnain, masawitra, lan ngajahin piano. Ring yusa 21, ida magingsir nuju Wina, sané salanturné dados dasarné, lan malajah komposisi sareng Haydn. Beethoven salanturné ngamolihang reputasi pinaka pianis virtuoso, lan gelis kadukung olih Karl Alois, Putraraja Lichnowsky antuk komposisi, sané ngasilin tiga piano trio Opus 1 (karya-karya pinih awal sane ida ngicénin nomer opus) saking warsa 1795.

Karya orkestra utama kapertama Beethoven, Simphoni Kapertama, perdana ring warsa 1800, lan set perdana kuartet senar kawedar saking warsa 1801. Sawetara warsa 1798, Beethoven ngawit ngarasayang gejala-gejala sané nénten prasida mirengang; yadiastun tulinyané sayan nglimbak salami masa puniki, ida terus ngamargiang, perdana nyané Simphoni Katiga lan Kalima soang-soang ring 1804 tur 1808. Konser biolané nampak saking warsa 1806. konser piano sane kaping untat (No. 5, Op. 73, sané kaloktah dados Kaisar), kacumawisang majeng ida ratu sané sering ngabihin punika Adipati Agung Rudolf saking Austria, perdana ring warsa 1811, tanpa komposer dados solois. Ring warsa 1815, Beethoven das makasami pekak lan sampun wusan tampil lan arang nampak ring publik. Ida nlatarang pikobet kakénakannyané lan kahuripan pribadinnyané sané nenten kacumponin antuk kalih sewala, punika "Heiligenstadt Testament" (1802) ring semeton-semetonnyane miwah sewala tresnanyané sané durung kakirim ring anak sané nénten kauningin "Gegélan Abadi" (1812).

Sasampuné warsa 1810, ngancan kirang kasarengang manut sakadi sosial mawinan rugi pekaknyané ngancan kaon, Beethoven nyusun akéh karya-karya sané pinih kaagumi, ngeranjing tiga simphoni pamuputné, musik kamar kelih lan sonata piano pamuput. Wantah asiki opéra sané ida mainang, Fidelio, kapertama kasobyahang ring warsa 1805, karevisi sacara ekstensif dados versi pamuputnyane ring warsa 1814. Ida nyusun Missa solemnis pantaraning warsa 1819 lan 1823 lan Simphoni pamuputnyané, No. 9, conto ageng kapertama saking simfoni paduan suara, riantara warsa 1822 lan 1824. kuartet senar pamuput, ngeranjing [[[Grosse Fuge]], saking warsa 1825-1826 inggih punika silih sinunggil pikolih pamuputne. Ri sampuné makudang-kudang sasih sungkan, sané ngawinang ida nénten prasida merem, Beethoven padem ring tanggal 26 Maret 1827 ring yusa 56 warsa.