Little Nemo (film 1911)

Little Nemo
Little Nemo
	Little Nemo dan Sang Putri masuk ke dalam mulut naga.
Sutradara	Winsor McCay
Tanggal rilis	8 April 1911;
Lantang galah	11:33
Negara	Amerika Serikat
Basa	Antarjudul Inggris

Little Nemo, taler kasengguh Winsor McCay, the Famous Cartoonist of the N.Y. Herald and His Moving Comics, inggih punika film animasi bisu madurasi endép warsa 1911 karya kartunis Amerika Serikat, Winsor McCay. Pinaka silih tunggil film animasi pangawit miwah film kapertama kakawian McCay, Little Nemo nyolahang watek saking komik strip McCay, Little Nemo in Slumberland. Animasi wateknyané sané ekspresif minayang film nika saking film-film paconto McCay sadurungnyané.

Kaambil saking olih buku flip sané kabakta budal putranyané, McCay nyingak potensi saking film animasi. Ida ngklaim yéning ragané inggih punika jadma kapertama sané ngasilang pangriptan film animasi, yadiastun James Stuart Blackton saking Amerika Serikat miwah Émile Cohl saking Prancis sampun ngaryanin film animasi sadurung McCay. Petang ribu gegambaran ring kertas baas anggé produksi film endép niki karekam ring Vitagraph Studios ring sor pengawasan Blackton. Akéhan durasi film nika kepah saking lelampahan aksi nyata rikala McCay matoh sareng sawitranyané yéning ida prasida ngaryanin gambar bergerak. Ida polih adi jayanti saking tohan punika antuk ngripta petang menit animasi sané nyolahang watek Little Nemo beraksi, mabebaosan, tur bermetamorfosis antuk meled saking McCay.

Little Nemo kasolahang kapertama ring bioskop duk tanggal 8 April 1911, miwah petang rahina lantur McCay ngawit nganggé pinaka pahan saking sesolahan vaudeville. Kesuksesan film punika ngawinang McCay malih nelasang galah anggé ngaryanin lanimasi. Ida nglanturang kesuksesan Little Nemo antuk ngaryanin film animasi salanturnyané, How a Mosquito Operates ring warsa 1912, tur filmnyané sané pinih kasub, Gertie the Dinosaur ring warsa 1914^[1]^[2]

Pustaka

↑ "Complete National Film Registry Listing". Library of Congress. Kaarsipin saking versi asli tanggal 2016-03-05. Kaaksés May 4, 2020. Unknown parameter |dead-url= ignored (help)
↑ "Michael Jackson, the Muppets and Early Cinema Tapped for Preservation in 2009 Library of Congress National Film Registry". Library of Congress. December 30, 2009. Kaarsipin saking versi asli tanggal 2011-02-01. Kaaksés December 31, 2009. Unknown parameter |dead-url= ignored (help)

[1] "Complete National Film Registry Listing". Library of Congress. Kaarsipin saking versi asli tanggal 2016-03-05. Kaaksés May 4, 2020. Unknown parameter |dead-url= ignored (help)

[2] "Michael Jackson, the Muppets and Early Cinema Tapped for Preservation in 2009 Library of Congress National Film Registry". Library of Congress. December 30, 2009. Kaarsipin saking versi asli tanggal 2011-02-01. Kaaksés December 31, 2009. Unknown parameter |dead-url= ignored (help)

[1]

[2]