Liga Éropa UEFA 2021–22
 Stadion Ramón Sánchez Pizjuán ring Sevilla dados panyelenggara final | |
| Pidarta wimbakara | |
|---|---|
| Pinanggal | Kualifikasi: 3–26 Agustus 2021 Wimbakara utama: 15 Séptémber 2021 – 18 Méi 2022 |
| Téam | Wimbakara utama: 32+8 Total: 21+37 (saking 33 asosiasi) |
| Final | |
| Jayanti |  Eintracht Frankfurt (gelar ka-2) |
| Runners-up |  Rangers |
| Statistik turnamén | |
| Laga kamainang | 139 |
| Gol karipta | 367 (2,64 per laga) |
| Pamiarsa | 3.435.542 (24.716 per laga) |
| Top skor | James Tavernier (Rangers) 7 gol |
| Pemain pinih becik | Filip Kostić (Eintracht Frankfurt)[1] |
| Pemain yowana pinih becik | Ansgar Knauff (Eintracht Frankfurt)[2] |
Liga Éropa UEFA 2021–22 inggih punika édisi ka-51 wimbakara sépakbola sekundér klub Éropa sané kaselenggarayang olih UEFA, miwah édisi ka-13 daweg magentos aran saking Piala UEFA dados Liga Éropa UEFA.
Eintracht Frankfurt ngaonang Rangers 5–4 ring pinalti sesampun asil pada 1–1 sawusan palantangan galah ring final kamainang ring Stadion Ramón Sánchez Pizjuán ring Sevilla, Spanyol, ngamenangang wimbakara antuk kaping kalih ring lelintihan klub, lan sané kapertama saking 1980.[3] Babak final pamahbahné kadudonin pacang kamainang ring Puskás Aréna ring Budapest, Hungaria.[4] Sakémanten, santukan panundaan lan pagingsiran final 2020, tuan umah final kaundur asiki warsa, sareng Budapest dados panyelia tuan umah final 2023.[5] Dados jayanti, Eintracht Frankfurt otomatis lolos nuju babak grup Liga Champions UEFA 2022–23, lan polih hak antuk malaga pantaraning jayanti Liga Champions UEFA 2021–22, Real Madrid, ring Piala Super UEFA 2022.
Masan niki inggih punika masan kapertama saking 1999–2000 (masan kapertama sawusan Piala Winners UEFA kabubarang) ring dija tiga wimbakara ageng klub Éropa (Liga Champions UEFA, Liga Éropa UEFA, lan Liga Konférénsi UEFA sané anyar kaadegang) kamargiang, saha sané kapertama sacara langsung ring dija Liga Éropa (sané daweg nika maparinama Piala UEFA) inggih punika wimbakara kaping kalih saking tiga wimbakara. Santukan nika, pagentosan ageng ring format Liga Éropa kamargiang. Akéh tim ring babak panyisihan grup kakirangin saking 48 dados 32 tim, tur akéh tim sané ngamiletin ring kualifikasi taler kakirangin akéh. Babak kapertama fase gugur mangkin wantah kasarengin tim runner-up babak grup lan tim paringkat katiga Liga Champions, sareng jayanti grup langsung ngalantur nuju babak 16 ageng.[6]
Daweg pangambel gelar Villarreal lolos nuju Liga Champions UEFA 2021–22, ipun ten prasida nyaga gelarné santukan ipun ngalantur nuju babak gugur Champions, lan kasisihang olih Liverpool ring semifinal.
Daweg tanggal 24 Juni 2021, UEFA nyumpunin usulan antuk ngapus parikrama gol tandang ring makasami wimbakara klub UEFA, sané sampun kaanggén saking warsa 1965. Santukan nika, pinaka ring laga kalih leg, kalih tim ngaripta akéh gol agrégat sané pada, pamenang laga nénten katentuang olih akéh gol tandang sané karipta olih soang-soang tim, sakémawon setata saking 30 menit palantangan galah, tur pinaka kalih tim ngaripta akéh gol sané pateh ring palantangan galané, pamenangné katentuang sareng adu pinalti.[7]
- ↑ "Filip Kostić named 2021/22 UEFA Europa League Player of the Season". UEFA.com. Union of European Football Associations. 20 Méi 2022. Kaaksés 20 Méi 2022.
- ↑ Pikobet nganggit: Tag
<ref>tidak sah; tidak ditemukan teks untuk ref bernamaUEL Young Player - ↑ Mullen, Scott (18 Méi 2022). "Eintracht Frankfurt 1–1 Rangers (5–4 on pens)". BBC Sport. Kaaksés 18 Méi 2022.
- ↑ "UEFA competitions to resume in Agustus". UEFA.com. Union of European Football Associations. 17 Juni 2020. Kaarsipin saking versi asli tanggal 25 Agustus 2020. Kaaksés 17 Juni 2020.
- ↑ "Budapest to host 2022 UEFA Europa League Final". UEFA.com. Union of European Football Associations. 2 Maret 2020. Kaarsipin saking versi asli tanggal 25 Agustus 2020. Kaaksés 2 Maret 2020.
- ↑ "UEFA Executive Committee approves new club competition". UEFA.com. Union of European Football Associations. 2 Désémber 2018. Kaarsipin saking versi asli tanggal 13 Méi 2019. Kaaksés 2 Désémber 2018.
- ↑ "Abolition of the away goals rule in all UEFA club competitions". UEFA.com. 24 Juni 2021.