Lambeosaurus
Lambeosaurus inggih punika soroh dinosaurus hadrosaurus sané maurip selami masa Kapur Akhir ring Amerika Utara sisi kauh. Tengkorak Lambeosaurus sané kapertama kapanggihin kawigunayang olih sujana paleontologi Lawrence M. Lambe mangda prasida matutang pakaryan Stephanosaurus sané anyar, yadiastun punika nénten dados pahan saking bahan aslinyané. Sifatnyane sane nenten jangkep ngawinang William A. Parks ngadanin Lambeosaurus lambei antuk tengkorak puniki ring warsa 1923 anggen ngaturang parama suksma majeng ring Lambe. Makudang-kudang spesies Lambeosaurus sampun kawastanin saking punika, minakadi L. clavinitialis miwah L. magnicristatus duk warsa 1935, miwah L. laticaudus duk warsa 1981 sané raris kagingsirang ring sorohnyané Magnapaulia. Taler sampun kaidentifikasi indik makudang-kudang spesies sadurungnyane kaidentifikasi pinaka druwen Tetragonosaurus lan Corythosaurus mangkin kasengguh remaja Lambeosaurus. Puniki pinaka anggota eponim saking subfamili Lambeosaurinae miwah suku Lambeosaurini.