Aléksander Agung
Aléksander III saking Makédonia (basa Yunani: Αλέξανδρος Γ΄ ὁ Μακεδών; 20/21 Juli 356 SM – 10/11 Juni 323 SM), sané kauningin pinaka Aléksander Agung (basa Yunani kuna: Ἀλέξανδρος ὁ Μέγας, kaucapang Aléksandros ho Mégas) inggih punika raja ring Karajaan Makédonia kuna, sané wénten ring Yunani kalér. Aléksander warih saking wangsa Argéadai. Ida embas ring Pélla duk warsa 356 SM raris ngantos Ajinnyané Philipos II miwah dados raja daweg mayusa 20 warsa. Aléksander dados kasub mawinan ida nuntun bala ka Asia miwah Afrika kalér-wetan raris daweg ida mayusa 30 sampun madué silih tunggil kaprabon sané nahén wénten ring jagaté kuna, kaprabon sané nglimbak saking Yunani ngantos India kalér-kulon.[1][2] Aléksander Agung tan nahéning kakaosang ring yuda miwah kasengguh pinaka silih tunggil pimpin yuda pinih polih ring babadé.[3]
Pustaka[uah | uah wit]
- ↑ Bloom, Jonathan M.; Blair, Sheila S. (2009) The Grove Encyclopedia of Islamic Art and Architecture: Mosul to Zirid, Volume 3
- ↑ "Alexander the Great 356 - 323 BC". BBC History.
- ↑ Yenne, Bill (2010). Alexander the Great: Lessons from History's Undefeated General. New York City: Palgrave Macmillan. hal. 99. ISBN 978-0-230-61915-9