Mangku Muriati: Bina pantaraning révisi
ngae suratan anyar Cihna: Uahan wit 2017 |
(Nénten mabina)
|
Uahan ri tatkala 22 April 2021 17.46
| Mangku Muriati | |
|---|---|
| Embas | 1967 (yusa 56–57) Klungkung, Bali, Indonésia |
| Mabangsa | Indonésia |
| Warsa aktip | 1990–mangkin |
| Kauningin | seniman lukis Kamasan |
Mangku Muriati (embas ring Klungkung, Bali, warsa 1967) wantah seniman istri Bali sane ngambar nganutin gaya tradisional Kamasan. Gaya Kamasan inggih punika wangun estetik sane ngambil satua wira carita wayang sekadi wayang kulit anggen bantang gambaran, sane akehan mawit saking satua Mahabrata lan Ramayana.
Mangku Muriati wantah okan saking Mangku Mura 1920-1999, silih tunggil tukang gambar Kamasan. Duk alit dane nyarengin bapannyane ngambar lan ngewarnen gambaran khas wayang ring Desa Kamasan, Klungkung.
Raris dane kuliah ring Program Studi Seni Rupa lan Design PSSRD, Univérsitas Udayana Denpasar, Bali tur risampune lulus mawali ngambar gaya Kamasan ring jerone. Akeh seniman istri sane nelebin lukisan gaya Kamasan nenten makeh sekadi sane lanang. Ring warsa 1990 rikala mayusa 32 warsa, Muriati kaadegang dados pamangku ring pura, pamerajan suci ring genahnyane meneng, banjar Siku, Kamasan.[1]
Ring Desane di Bali wantah ring Kamasan wangun seni tradisionale dereng kagentosin antuk gaya baru. Yadiastun kantun susatya marep ring seni rupa klasik ring Kamasan, ring pakardinnyane dane taler ngunggahang indik panglimbak sosial lan politik ring Bali. Muriati mamilih magenah ring jerone banjar Siku, boya ring banjar Sangging sane dados genah para tukang gambar Kamasan ketah makarya. Dane sampun mabukti prasida kaandelang ring banjarnyane duaning pakardinnyane sampun kapesen lan kaangen koleksi saking Indonesia utawi dura negara.[2]
Pustaka
- ↑ "Living traditions - Inside Indonesia". Inside Indonesia (ring Inggris). Kaaksés 2018-07-07.
- ↑ "Mangku Muriati - Australian Museum". australianmuseum.net.au (ring Inggris). Kaaksés 2018-07-07.