Ayu Laksmi: Bina pantaraning révisi
ngae suratan anyar Cihna: Uahan wit 2017 |
Cihna: Uahan wit 2017 |
||
Carik 53: | Carik 53: | ||
{|Border="3" cellpadding="5" cellspacing="0" style="margin: 1em 1em 1em 0; background: #f9f9f9; border: 1px #aaa solid; border-collapse: collapse; font-size: 93%;" |
{|Border="3" cellpadding="5" cellspacing="0" style="margin: 1em 1em 1em 0; background: #f9f9f9; border: 1px #aaa solid; border-collapse: collapse; font-size: 93%;" |
||
|- bgcolor="#CCCCCC" align="center" |
|- bgcolor="#CCCCCC" align="center" |
||
! colspan="7" style="background: White;"| |
! colspan="7" style="background: White;"|Pilem |
||
|- white="#CCCCCC" align="center" |
|- white="#CCCCCC" align="center" |
||
! |
! Warsa |
||
! |
! Murda |
||
! Peran |
! Peran |
||
! |
! Umah Produksi |
||
! Sutradara |
! Sutradara |
||
! |
! Cutetan |
||
|- |
|- |
||
|2008 |
|2008 |
Uahan ri tatkala 22 April 2021 17.35
Ayu Laksmi | |
---|---|
Latar belakang | |
Wastan lekad | I Gusti Ayu Laksmiyani |
Wastan liyanan | Ayu Laksmi |
Embas | 25 Nopémber 1967 Singaraja, Bali, Indonésia |
Jenis musik | world, rock, pop |
Pakaryan | pagending, pangripta gending, pragina, artis |
Warsa aktif | 1988 – mangkin |
Perusahaan rekaman | Team Record Production (1991) Demajors (2011-mangkin) |
Rerama | I Gusti Putu Wiryasutha (alm) I Gusti Ayu Sri Haryati |
Situs resmi | www |
I Gusti Ayu Laksmiyani, utawi luwih kasub mawastan Ayu Laksmi (embas ring Singaraja, 25 Nopémber 1967;yusa 56) inggih punika silih tunggil artis, pagending, pemain pilem lan teater miwah pangripta gending saking Indonésia.
Karir
Naenin kaloktah maka Lady Rocker ring pangawit warsa 1990. Ring warsa 2011, kalih dasa warsa duk embas albumnyane kapertama, dane malih ngamedalang album anyarnyane, Svara Semesta. Sane mangkin Ayu Laksmi malih magubugan ring makudang-kudang festival musik sane kakuwubannyane lokal, nasional yadian internasional.
Ayu duur ring kulawarga sane oneng ring seni, utaminyane seni musik. Sasukat sampun naenin ngentasin kalangan ritatkala mayusa 4 warsa, Ayu nyansan limbak nyarengin makudang-kudang festival seni, sane kuwubnyane lokal, nasional saha internasional. Pesengan Ayu Laksmi nyansan kasub duk maka jayanti BRTV provinsi Bali warsa 1983 saking ketegori Trio sane kasarengin olih rakannyane Ayu Weda lan Ayu Partiwi sane mawasta Ayu Sisters raris ngamolihang jayanti III miwah sapisanan maka Trio sane berpenampilan terbaik acara BRTV tingkat Nasional.
Ayu Laksmi taler kauningin maka silih tunggil Lady Rocker ring balantika musik nasional rikala era warsa 1984-1993 Ayu sane mawit saking Bali prasida ngalimbak ring kuwub musik nasional, taler rikala makudang lagu lan Sountrack film sane kagendingang, dahat pepes kapiragi olih para pangoneng musik ring Indonésia duk punika.
Ring warsa 1989 Ayu sareng ring album kompilasi Indonésia's Top 10 malarapan antuk single "Tak Selalu Gemilang" pakardin Didi AGP, Soundtrack pilem Catatan Si Boy 2 antuk gending "Hello Sobat" pakardin Harry Sabar.
Ring warsa 1991, ngamedalang album kaperatama antuk murda Istana Yang Hilang sane maka arranger Raidy Noor. Nanging di sampune album punika embas pesengannyane raris kaon saking industri musik Indonésia. Ayu mawali budal ka Bali ring warsa 1992 jaga ngalanturang kuliah ring Fakultas Hukum Universitas Udayana, tur lulus maka Sarjana Hukum ring warsa 1993.
Ring warsa 1995-1997, Ayu Laksmi macepuk ring sekaa band sane sampun kasub ring Bali inggih punika Tropical Transit, sane kapucukin olih Riwin, silih tunggil krama sekaa Pahama, macepuk ring band puniki Ayu Laksmi muruk dados entertainer, dane taler magenjah ring makudang gagendingan makadi jazz, latin, miwah sane tiosan. Ayu Laksmi magending ring makudang genah, ngawit saking kafe, restaurant, hotel, ngantos kapal pesiar lan polih malayar ring segara Karibia.
Ring warsa 2002, malih Ayu ngeramenin pentas gendingan Indonésia madasar antuk stil anyar, nyapuhang kalih wangun musik cara kangin lan modern, daweg punika dane taler aktif ring makudang parikrama Bali For The World, acara puniki inggih punika parikrama ngupapira sangkaning keni ala bom Bali. Ring warsa 2006 dane polih taler sareng sekaa musik rohani Hindu Nyanyian Dharma sane kapucukin olih Dewa Budjana.
Ring panguntat warsa 2010, Ayu Laksmi mapamit saking makudang sekaa musik, raris ngamedalang album Svara Semesta. Masarengan ring pamedalan albumnyane, dane taler ngwangun lan ngamucukin sekaa musik sane kawastanin pateh ring murdan albumnyane, Svara Semesta. Nganutin pamargin galahe, group sane maduluran World Musik puniki ngalimbak manados sekaa seni, para yowana sane kreatif sane mawit saking: pangrawit, penari, teater, sane waged, sane mawit saking genah sane matiosan ring Indonésia. Sareng sekaane puniki Ayu Laksmi mawali malelana saking panggung-panggung festival seni budaya ring Indonésia taler ring dura negara.
Maprakanti sareng sutradara kaloktah Garin Nugroho ring film "Under the Tree" Ayu polih matategar dados pemain film, rikanjekan punika film kapertama sane kasarengin ngamolihang jayanti maka silih tunggil pemeran utama wanita terbaik FFI warsa 2008. Film Under The Tree ngranjing ring bacakan internasional film festival ring Tokyo.
Sane mangkin Ayu ngarasayang panglelanannyane saking panggung ka panggung ngamolihang paplajahan utama. Dane mawali ngamedalang album solo sane mamurda "Svara Semesta". Ring albumne puniki madue rasa matiosan ring album saderengnyane. Ring album Svara semesta Ayu Laksmi nagingin antuk genre World Musik, taler madasar antuk unteng pawongan, palemahan lan parahyangan, sasuratan-sasuratan saking gendingan Ayu Laksmi ring album Svara Semesta kasurat ring limang basa inggih punika: Sanskrit, Kawi, Bali, Indonésia, Inggris. Ring albumnyane puniki Ayu sapisanan dados produser, pangawi lagu, taler ngeraga ngaryanin laras dasar gendingan ring pangawit ngawi gendingan.
Ri kala ngarap albumnyane punika, Ayu maprakanti sareng Eko Wicaksono, musik director lan arranger wikan sane meneng ring Bali. inggihan makudang arranger sane sareng ngaremba gending-gendingannyane inggih punika Bujana. Ayu taler nyarengin arranger dura Bali, Peter Brambl lan Robert Webber. Taler kari akeh sane sareng nuku lan penyanyi sane sareng ngaremba ring albumnyane puniki. Ayu Laksmi taler ngaraketang sekaa sastrawan sane mawit saking Bali sekadi Cok Sawitri, Sugi Lanus, miwah sane siosan. Ring warsa sane pateh Ayu Laksmi ngawangun sekaa band sane kawastanin Svara Semesta, sane mangkin Svara Semests nenten ja wantah wastan album Ayu Laksmi manten, nanging sampun ngalimbak maka silih tunggil sekaa seni ring Bali, sane kawangun antuk: musik, tari, sastra, teater, photografi, videographer, film video maker, lan spiritualis.
Ayu Laksmi setata mikelingin para seniman truna mangda setata mautsaha 10 persen bakat, 90 persen kerja keras basa liannyane nenten akeh ngamerluang bakat, sane mabuat wantah nenten surud mautsaha, nenten obah lan pagehang utsahane. Saha nenten marma nyihnanyang sane matiosan.
Pilmograpi
Pilem | ||||||
---|---|---|---|---|---|---|
Warsa | Murda | Peran | Umah Produksi | Sutradara | Cutetan | |
2008 | Under the Tree | Dewi | Credo Pictures & SET Film Workshop | Garin Nugroho | ||
2012 | Ngurah Rai | Ibunda Ngurah Rai | ||||
2013 | Soekarno | Ida Ayu Nyoman Rai | MVP Pictures, Mahaka Pictures & Dapur Film | Hanung Bramantyo | ||
2018 | Sekala Niskala | Ibu Tantra & Tantri | Fourcolours Films & Treewater Production | Kamila Andini | ||
Pengabdi Setan | Ibu | Rapi Films, CJ Entertainment & Paramount Pictures | Joko Anwar | |||
2019 | Bumi Manusia | Ibunda Minke | Falcon Pictures | Hanung Bramantyo | ||
2021 | Buya Hamka | Andung | Falcon Pictures & Starvision Plus | Fajar Bustomi | ||
A Perfect Fit | Hadrah Daeng Ratu |
Diskografi
Album
- Tak Selalu Gemilang (1988)
- Istana yang Hilang (1991)
- Svara Semesta (2011)
- Svara Semesta 2 (2015)
Penghargaan
Tahun | Penghargaan | Kategori | Karya yang dinominasikan | Hasil |
---|---|---|---|---|
2005 | Duta Lingkungan Hidup Bali | Ayu Laksmi | Jayanti | |
2008 | Festival Film Indonésia 2008 | Pemeran Utama Wanita Terbaik | Under The Tree | Nominasi |
2009 | Indonésian Film Critics Society | Breakthrough Actress | Jayanti | |
2012 | Anugerah Musik Indonésia | Graphic Design Terbaik | Svara Semesta | Nominasi |
Majalah Tempo | 20 Album Terbaik | Jayanti | ||
2015 | Gema Perdamaian | Duta Perdamaian Bali | Ayu Laksmi | |
2016 | Anugerah Musik Indonésia | Mixing Terbaik | Svara Semesta 2 | Nominasi |
2017 | Google Indonésia | Year in Search | Ayu Laksmi | Jayanti |
Festival Film Tempo | Pemeran Pendukung Wanita Terpilih | Pengabdi Setan | ||
Piala Maya | Pemeran Pendukung Wanita Terbaik | Nominasi | ||
2018 | Indonésian Box Office Movie Awards | Jayanti | ||
Festival Film Indonésia | Sekala Niskala | Nominasi | ||
Piala Maya | ||||
Indonésian Movie Actors Awards | ||||
Malaysia International Film Festival | Best Supporting Actress | |||
Indonésian Television Awards | Artis Terpopuler | Ayu Laksmi | ||
2019 | Festival Film Indonésia | Pemeran Pendukung Wanita Terbaik | Bumi Manusia |
Pustaka
Pranala jaba
- Ayu Laksmi ring Instagram
Suratan matopik biograpi pemeran (aktor/artis) puniki kantun rintisan. Ida dané dados nulung Wikipedia tekén uah miwah nyuratang liyanan. |