Kunming
Kunming[lower-alpha 1] inggih punika ibu kota lan kota pinih ageng saking propinsi Yunnan, Cina.[2]
Kunming magenah ring kategehan 1,900 méter (6,234 kaki) ring baduur pamukaan segara miwah garis lintang ring sisi kalér Garis walik kalér, miwah magenah ring tengah Dataran Tegeh Yunnan–Guizhou. Kunming inggih punika kota sane pinih akeh panjaknyané kaping pat ring Cina Kauh, sesampun Chongqing, Chengdu, miwah Xi'an, miwah kota sané pinih akéh panjaknyané kaping tiga ring Cina Kelod Kauh risampuné Chongqing miwah Chengdu. Ring sensus warsa 2020, Kunming madué akéh panjak 8.460.088, saking punika 5.604.310 meneng ring wewidangan sané sampun kawangun (utawi métro) saking makasami distrik kota sajabaning Jinning. Puniki magenah ring sisi kalér Danu Dian, kaiterin olih candi miwah danu miwah topograpi karst.[3]
Kunming kawangun antuk kota sané sampun sué, sadurungnyané sampun matémbok, distrik komersial sané modérn, wawengkon paumahan, miwah genah universitas. Kota puniki taler silih tunggil pusat utama ring panilikan miwah pendidikan ilmiah ring Cina Kelod Kauh. Duk warsa 2024, kota puniki munggah ring pantaraning 100 sané pinih becik kota ring jagaté manut luaran panilikan ilmiah.[4] Kota puniki madué observatorium astronomi, miwah lembaga pendidikan tegehnyané minakadi Universitas Yunnan, Universitas Sains miwah Téknologi Kunming, Universitas Kajinahan miwah Ékonomi Yunnan, Universitas Kedokteran Kunming, Universitas Normal Yunnan, Universitas Pertanian Yunnan miwah Universitas Kawanaan Kelod Kauh. Kunming taler pinaka genah Kuil Mas, kuil perunggu sané pinih ageng ring Cina sané mawit saking dinasti Ming.
Kunming inggih punika pusat ékonomi sané utama ring Cina Kauh. Kautamaan ekonomi kota puniki mawit saking genah géograpisnyané, santukan madué pawatesan sareng makudang-kudang panegara Asia Kelod Kangin, dados puser transportasi ring Cina Kelod Kauh, nyambungang antuk kréta api nuju Viétnam miwah Laos, miwah antuk margi nuju Myanmar miwah Thailand. Posisi puniki taler ngawinang kota puniki dados pusat paadoalan sané mabuat ring wewidangan punika. Kota puniki taler dados gerbang nuju Asia Kelod Kangin miwah Asia Kelod, Bandar Udara Kunming Changshui inggih punika silih tunggil saking 50-bandara sané pinih sibuk ring jagaté.[5][6] Daweg warsa 2024, kota puniki taler manados umah antuk nem konsulat saking negara-negara ASEAN.[7]
- ↑ "Kunming". Lexico UK English Dictionary. Oxford University Press. Kaarsipin saking versi asli tanggal 18 May 2021.
- ↑ "Illuminating China's Provinces, Municipalities and Autonomous Regions". PRC Central Government Official Website. Kaarsipin saking versi asli tanggal 18 June 2014. Kaaksés 17 May 2014.
- ↑ Centre, UNESCO World Heritage. "South China Karst". UNESCO World Heritage Centre (ring Inggris). Kaaksés 2024-06-07.
- ↑ "Leading 200 science cities | | Supplements | Nature Index". www.nature.com. Kaaksés 2024-11-20.
- ↑ "2020 Airport Traffic Report" (PDF) (ring Inggris). Port Authority of New York and New Jersey. July 2021. p. 30. Kaaksés 26 Sep 2021.
- ↑ 2019 Annual Airport Traffic Report (PDF). United States: Port Authority of New York and New Jersey. 2020.
- ↑ "Foreign consulates in Kunming". www.embassypages.com (ring Inggris). Kaaksés 2024-06-11.
Pikobet nganggit: Ditemukan tanda <ref> untuk kelompok bernama "lower-alpha", tapi tidak ditemukan tanda <references group="lower-alpha"/> yang berkaitan