Kue Kerake

Kue Kerake inggih punika silih tunggil sanganan tradisional krama Kelayu, Kabupaten Lombok Timur. Kerake malakar aji tepung ketan, gula merah, miwah santan nyuh. Adonan Kerake makaput antuk kulit jagung sané sampun tuh. Dumun, Kerake kakaput antuk pelepah pinang sakéwanten wentuknyané ageng. Mangda alit-alit, lantas kakaput antuk kulit jagung miwah kaiket dados tigang bagian nganggén tali tiing sakadi pocong. Kulit jagung punika patut kajemuh sadurung kaanggén ngaput Kerake. Kerake rasannyané manis miwah nyangluh. Kerake ketahnyané kaanggén pinaka sanganan ring acara-acara adat, sanganan kaanggén buka puasa ring bulan Ramadhan, miwah ritatkala Hari Raya Lebaran. Tiosan punika, Kerake taler kaanggén oléh-oléh tur kakaput antuk bésék.