Kepunahan

Dinosaurus inggih punika kelompok sané pinih kaloktah sampun punah sajangkepnyané, sajabaning kedis sané kantun maurip. Samian sané kantun wentén ring dinosaurus mangkin wantah fosil.

Kedis dodo sampun jangkep ical saking permukaan bumi sangkaning buron manusa.

Tilasin, sané sampun punah sajangkepnyané 100 warsa sané sampun lintang sangkaning manusa, kantun prasida maurip kantos mangkin.

Kepunahan ring biologi inggih punika pamuputnyané makasami spésiés utawi kelompok organisme ring jagaté. Majeng ring soang-soang spésiés sané maurip, kepunahan nénten prasida katepis, santukan wénten pamargi sané setata prasida ngrusak spésiés sané nénten prasida beradaptasi sareng kahanan sané anyar. Yadiastun makudang-kudang organisme maurip punah nyabran warsa, sané sampun ketah, wantah wénten 5 pamargin kepunahan sané pinih ageng ring sejarah jagaté, sané kasengguh kepunahan massal, sané nglalahin makasami spesies ring jagaté, nénten wantah ring asiki spésiés utawi kelompok. Katahnyané rikala spesies sampun punah, nénten wénten malih individu sané kantun, punika mawinan nénten wénten malih reproduksi utawi prokreasi sané pacang mamargi, sané maartos spésiés sané sampun punah nénten prasida malih maurip. Yadiastun sampun wénten sekadi "de-spesiesisasi" antuk kloning miwah nguwah DNA ring embrio buron sané pinih nampek sareng spesies punah, pikolihnyané, yéning sampun mamargi, nénten pacang dados spésiés punah 100%. Sebaliknyané, punika pacang dados spésiés modern sané pinih nampek ring spesies sané sampun punah, wantah antuk pauwahan genetik sané mesib sareng genetika spésiés sané sampun punah.