Kelinci Eropa (Oryctolagus cuniculus) inggih punika soroh kelinci sane mawit saking semenanjung Iberia (Spanyol, Portugal lan Andorra) lan Perancis sisi kelod kauh. Puniki wantah asiki spesies sané kantun wénten ring genus Oryctolagus. Kelinci Eropa sampun ngadepin populasi sane sayan rered ring wawidangan aslinyane santukan miksomatosis, penyakit hemoragik kelinci, maboros sane kalintang lan ilangnyane habitat. Ring jaba genah aslinyané, punika kaloktah pinaka spesies invasif, santukan sampun kasobyahang ring panegara-panegara ring makasami benua sajabaning Antartika, sering pisan ngawinang panglalah sané ngrusak ring keanekaragaman hayati lokal santukan kirangnyané predator.
Rata-rata kelinci Eropa sane sampun dewasa lantangnyane 40 cm (16 in), lan prasida baatnyane 1,2-2,0 kg (2,6-4,4 lb), yadiastun ukuran lan baatnyane mabinayan manut ring habitat lan diet. Kupingnyane sane khas prasida ngukur ngantos 6,5-7,5 cm (2,6-3,0 in) saking oksiput. Sangkaning sejarah domestikasi kelinci Eropa, pemuliaan selektif, miwah pengenalan ring habitat non-asli, kelinci Eropa liar ring sajebag jagat nyihnayang makudang-kudang morfologi.
.jpg)
