Kasuya Takenori
| Kasuya Takenori | |
|---|---|
 Potrét Kasuya Takenori saking Pahlawan Taiheiki Utagawa Yoshiiku | |
| Wastan asli | 糟屋 武則 |
| Embas | 1562 |
| Seda | 1607 |
| Pengabdian |  Klan Bessho Klan Toyotomi Tentara Kauh Kashogunan Tokugawa |
| Pangkat | Hatamoto |
| Komando | Kastil Kakogawa |
| Yuda | Kampanye Chūgoku Patempuran Shizugatake Kampanye Koréa Pangepungan Fushimi |
Kasuya Takenori (糟屋 武則, 1562–1607) inggih punika satunggil samurai Jepang saking masa Azuchi-Momoyama, sané ngayahin klan Toyotomi. Ida putran kaping kalih Kasuya Tadayasu, satunggil punggawa klan Bessho ring Propinsi Harima. Ida ngambel gelar Naizen no Kami (内膳正).
Sesampune kampanye Chūgoku, Takenori dados punggawa Toyotomi Hideyoshi santukan rekomendasi Kuroda Kanbei. Ring warsa 1583, Takenori kasub santukan pertempurané ring rana Shizugatake, ring dija ida kaloktah dados silih sinunggil Pitu Tumbak Shizugatake,[1] miwah antuk pabinayan nika ida kaicénin 3,000 koku saking Hideyoshi. Taler matugas ring Kampanye Koréa, lan salanturné kaicénin Kastil Kakogawa ring Propinsi Harima.
Ring warsa 1600, ring Patempuran Sekigahara, ida wantah asiki saking "Pitu Tombak" sané nyarengin tentara "Kauh" Ishida Mitsunari, miwah sareng nyerang Bénténg Fushimi. Rikala padruéné kasita sesampun payudan, kulawargané salanturné kalugra kaicénin 500 koku, lan kaicén status hatamoto ngayah ring sor kulawarga Tokugawa.
Yadiastun wénten akidik pangulihan kasugihan kulawargané, digelis sesampun sédané Takenori, warih Kasuya camput.
- ↑ Turnbull, Stephen (1998). The Samurai Sourcebook. London: Cassell & Co. p. 34,49,234. ISBN 9781854095237.