Kapal silem kelas Delta
Kapal silem kelas Delta, (Rusia: Дельта) parinama Soviét Proyék 667B Murena, Proyék 667BD Murena-M, Proyék 667BDR Kalmar, Proyék 667BDRM Delfin, (aran parikanda NATO pada Delta I, Delta II, Delta III, Delta IV) inggih punika kulawarga kapal silem rudal balistik matenaga nuklir, sané karancang lan kawangun ring Uni Soviét, sané ngawangun tulang tundu armada kapal silem stratégis Soviét lan Rusia ngawit saking kasobyahang ring warsa 1973. Ipun makta rudal balistik nuklir kulawarga R-29 Vysota, sareng kelas Delta I, Delta II, Delta III lan Delta IV pada makta R-29/SS-N-8 'Sawfly', R-29D/SS-N-8 'Sawfly', R-29R/SS-N-18 'Stingray' lan R-29RM/SS-N-23 'Skiff' (lan lantur ring soroh katincapang).
Uni Soviét nyingakin Delta pinaka panincapan iteratif saking kapal silem kelas Yankee, sané makta rudal R-27 Zyb antuk pentang 2,500–3,000 km (1,553–1,864 mi). R-29s ngicenin Delta sané akéh kabuatang jarak standoff; antuk pentang 7,700 km (4,785 mi) Delta prasida ngamargiang patroli déteren ring tengah keamanan rélatif Samudra Arktik, nanging kelas Yankee patroli ring pasisi AS mangda prasida ngamargiang punika. Delta kawewehin antuk kapal silem sané pinih ageng sané naenin kawangun, kapal silem kelas Typhoon, sané dados pamastika kamampuan Soviet serangan kaping kalih. Kapal Delta sadurungné tetep ngayahin ngantos warsa 1990-an, ritatkala Uni Soviét biur lan ngasilang akéh kelas kapal silem sané kagentosin santukan pagetepan anggaran sané parah. Makudang Delta-III lan makasami Delta-IV kapertahanang olih Angkatan Segara Rusia sané wawu wénten.
Wénten 34 kapal Kawangun lan katugasang selami warsa 1972–1990; sawatara lima nem sané masisa aktif warsa 2023. Makudang ri antarané kauah manados kapal silem tatujon khusus sané kaoperasiyang olih GUGI.
| ring Saluran YouTube Resmi RT Documentary (ring basa Inggris) | |
  K-433 Svyatoy Georgiy Pobedonosets: Nuclear Triad Workhorse ring YouTube |