Kadaton Kunti

Ring carita Mahābharata, Kadaton Kunti inggih punika kadaton sane kakuasain olih Kuntibhoja, silih tunggil Raja sane pinih kaloktah ring pantaraning para raja saking Dinasti Bhoja- Yadawa.

Kunti, biangne Pandawa miwah rabin Ida Sang Prabu Pandu Dewanata, wantah putrin angkat Ida Sang Prabu Kuntibhoja. Wastan Idane sane sujati inggih punika Pritha, tur ida wantah arin Ida Sang Wasudewa, ajin Ida Sang Sri Kresna. Kadaton Kunti punika masanding sareng Kadaton Awanti. Kadaton Kunti kabaos kadaton Awanti Kaja.