Kadaton Heheya

Kadaton Heheya (taler kabaos Haiheya, Haihaya, Heiheya, miwah sane lianan) inggih punika silih tunggil kadaton sane kaprentah olih soroh Yadawa ring India Tengah lan Kauh. Kadaton punika masawitra sareng Talangjaha, sane magenah ring sisi kangin. Kadaton Heheya inggih punika silih tunggil kadaton soroh Yadawa sane meweh kakasorang, kapucukin olih pamucuk sane kuat – Kartawirya Arjuna – sane naenin ngasorang Raksasa Rawana. Ibu kotanyané inggih punika Mahishmati (mangkin kasengguh Maheswar ring Madhya Pradesh ), sané magenah ring pasisi tukad Narmada ring Madhya Pradesh. Kadaton puniki ngaonang kadaton-kadaton sane lianan ring wawidangan India. Wantah brahmana ksatria sane mapesengan Bhargawa sane purun nglawan kakuwasaannyane.