Kadaton Darada
Kadaton Darada inggih punika kadaton suku sane meneng ring lembah Kashmir sisi kaja. Kadaton punika kaidentifikasi pinaka wewidangan Gilgit ring Kashmir ring salantang Tukad Sindhu utawi Indus. Kadaton punika wenten kabaosang ring caritaMahabharata ri tatkala Ida Sang Arjuna sedek mupulang upeti anggen upacara Rajasuya sane kamargiang olih Ida Sang Prabu Yudhisthira.
Kadaton Darada taler wenten kabaosang ring Purana sinarengan sareng kadaton Kamboja, Cina, Tushara, Bahlika, miwah sane lianan. Manut Bhuwanakosha ring Purana, kadaton Darada, Kamboja, Tushara, Bahlika, Lampaka, miwah sane lianan ngranjing ring wewidangan Uttarapatha ring masa India Kuno.
 | Suratan indik Krajaan ring aab India kuno puniki kantun rintisan. Ida dané dados nulung Wikipedia tekén uah miwah nyuratang liyanan. |