Joran
Pancing utawi Joran inggih punika silih tunggil piranti sane kaanggen ngrereh ulam ring segara utawi ring tukad sane mawit saking kakalih komponen utama, luire: tali (line) lan matan pancing (hook). Akeh kawentenan matan pancing, inggih punika matan pancing tunggal, ganda, taler wenten sane kantos ribuan.
Prinsip piranti puniki krangsang ulame antuk umpan saking alam utawi buatan sane kakaitin ring matan pancingnyane. Piranti puniki ketahnyane kakardi antuk kalih komponen utama inggih punika tali lan matan pancing. Sakewala, manut ring jenisnyane sida kalengkapin taler komponen lianan kadi: Katik (pole), pemaat (sinker), pelampung (float), lan kili-kili (swivel).
Cara pengoperasiannyane sida kapasang manetap ring siki genah perairan, kakedeng saking ungkur jukung/kapal sane majalan, kaanyutang, muwah langsung kaulur antuk tangan. Piranti puniki nenten maduwe sifat sane destruktif lan pinih selektif. Pancing kabedayang antuk rawai tuna, rawai hanyut, rawai tetap, pancing tonda, muah sane lianan. [1]
Piranti pancing puniki sida kepah manados kalih, inggih punika pancing tan paumpan lan pancing maumpan.
Pancing tan paumpan kepah dados: (a) Pancing tonda (troll line); (b) pancing huhate (pole and line); lan (c) pancing sane kakedeng (drag line).
Pancing sane nganggen umpan kepah malih manados makudang jenis, inggih punika:
- Pancing tangan lan pancing ulur
Pancing sane taler kaangge olih makudang-kudang bandega ring Indonesia puniki wenten sane nganggen siki satu matan pancing lan wenten taler sane mamasang kalih kantos pat matan pancing sapisanan. Pancing tangan (ring genah lianan wenten sane maosang pancing usep, pancing jegog, pancing mungsing, pancing gambur, muah sane liann) sida kanggan ring akeh genah, sakadi: tebing pasih, wawidangan bebatuan ring pasisi pasihe, lan ring jukunge. Ulam sane ketah kapancing ngangge pancing tangan inggih punuika ulam kakap barak, snapper, ceasio sp, Caranx sp., muwah sane lianan.
2. Pancing makatik
Pancing makatik mirib ring pancing tangan lan pancing ulur. Sane bedanyane tuwah ring nganggen gagang sane mawit saking kayu, besi, utawi tiing sane lantangnyane saking 2 kantos 3 meter. Jenis pancing makatik kadi pancing welwsan, pancing tiger, pancing dewel, pancing sumbal, pancing pemaphav miwah sane lianan. Ulam sane sida kapolihang sakadi ulam kakap barak, lan ulam belanak.
3. Pancing gurita (octopus jigg)
Pancing gurita boya pancing sane wentuknyane kadi gurita, puniki pancing sane khusus kaangge ngejuk gurita (octopus). Pancing gurita bentuknyane unik santukan ring muncuknyane wenten makeh matan kail sane melengkung lan menek. Antuk tali pancing sane lantang, akeh matan kail punika sane kadagingin umpan lantas kaanggen ring lokasi sane akeh gurita. Yening gurita ngamahan umpan ring matan kail, dadosnyane sang pemancing ngedeng nadak ring tali pancing kantos bungut gurita nyangkut ring matan pancing.
4. Pancing rawai (long line).
Pancing rawai utawi perawe utawi prawe puniki akeh kaangge olih para bendega ring Indonesia antuk makudang wentuk, manut ring genah ngejuk ulame (sisin pulai miwah tengah pasihe). Ulam sane jagi kaejuk makudang jenisnyane kadi ulam tuna lan ulam sane lianan.[2]
- ↑ Driller, Sang (2011-04-06). "M Arief Masyuryady: Mengenal Jenis Alat Tangkap Ikan Khas Indonesia Versi PEDAMARAN". M Arief Masyuryady. Kaaksés 2025-11-22.
- ↑ "Pancing". Pancing ~ Budaya. Kaaksés 2025-11-22.