Itsukushima
Itsukushima (厳島) utawi Miyajima (宮島) inggih punika wastan pulo ring Laut Pedalaman Seto utawi ring sisi kelod kauh Teluk Hiroshima, Jepang[1]. Itsukushima magenah ring sor pamrentahan Kota Hatsukaichi, Prefektur Hiroshima. Ring pulo puniki wenten kota sane mawasta Miyajima sadurung masikian sareng kota Hatsukaichi duk warsa 2005.
Ring pulo puniki wenten Kuil Itsukushima sane dados Situs Warisan Dunia UNESCO[2]. Pemandangan Torii (Gerbang Kuil Shinto) sane mawarna oranye sane galang antuk latar belakang Gunung Misen inggih punika silih sinunggil saking Tiga Pemandangan Agung Jepang kasarengin antuk pasih pasih ring Amanohashidate tur pemandangan Teluk Matsushima. Ring warsa 1952, Pulo Itsukushima kadadosang olih pamréntah Jepang pinaka genah warisan budaya sané mabuat.
Ring bukit ring ungkur kuil punika wenten wangunan Senjōkaku sane kadana olih Toyotomi Hideyoshi, nanging pawangunannyane nenten puput santukan dane seda. Pulau Itsukushima kasub antuk oleh-oleh khususnyane sakadi kue Momiji Manju lan kerang tunu[3].
Kuil Shinto ring Pulo Itsukushima kapertama kawangun duk masa pemerintahan Permaisuri Suiko. Kuil Itsukushima sakadi sane kacingak mangkin kawangun olih Taira no Kiyomori.
Ring warsa 1555, ring Pulo Itsukushima, wenten payudan sane mamargi pantaraning prajurit Mōri Motonari lan prajurit Sue Harukata, sane kawastanin Perang Itsukushima (Itsukushima no Tatakai 厳島の戦い)[4]. Mōri Motonari dados jayanti tur ngawitin konservasi lingkungan ring pulo punika santukan dane rumasa kimud sampun ngawinang pulau dewa dados medan perang.
Ring Jepang, Pulo Itsukushima kasub antuk pemandangan don-donan musim gugur sane becik[5]. Saking muncuk Gunung Misen, sane kalayanin olih kereta gantung, prasida nyingakin pemandangan don-donan musim gugur lan Laut Pedalaman Seto.
Gunung Misen sane madue tegeh 530 meter taler prasida kacunduk antuk mamargi kalih jam. Ring muncuk gunung punika wenten batu-batu raksasa miwah pupulan kuil-kuil Buddha sane akeh madaging misteri.
Buron sakadi kidang miwah lutung ring sajebag pulo. Kidang inggih punika buron asli pulo sane sampun kacatet saking dumun lan kapercayain dados utusan para dewata. Kawentenan lutung wantah kacatet ring jaman Edo.
Pulau Itsukushima puniki kapercaya dados genah para dewata, mawinan ngambil kayu saking alas punika kalarang. Populasi kidang sane sayan nincap sampun ngawinang pasokan ajeng-ajengan ring alam nenten cukup, mawinan kidang mamaling ajeng-ajengan saking wisatawan.
- ↑ "Itsukushima Shrine". www.japan-guide.com (ring Inggris). Kaaksés 2025-04-13.
- ↑ Centre, UNESCO World Heritage. "Itsukushima Shinto Shrine". UNESCO World Heritage Centre (ring Inggris). Kaaksés 2025-04-13.
- ↑ "Momiji Manju: A Snack Worthy of Miyajima". All About Japan (ring Inggris). 2016-05-22. Kaaksés 2025-04-13.
- ↑ Reins, Thomas D. (1991-07). "Samurai Warlords: The Book of the Daimyo". History: Reviews of New Books. 20 (1): 30–31. doi:10.1080/03612759.1991.9949483. ISSN 0361-2759. Check date values in:
|date=(help) - ↑ "About Miyajima". The Official Guide to Hiroshima - Travel and Tour Information (ring Inggris). Kaaksés 2025-04-13.