Indik sané pribadi

Indik sané pribadi inggih punika kawagedan angga utawi kelompok sane ngeluarang raga utawi informasi indik raga, lan antuk punika ngamedalang raga antuk selektif.
Domain privasi wenten sane matumpuk sareng keamanan, sane prasida ngranjing konsep kawigunan sane patut lan perlindungan informasi . Privasi taler prasida marupa integritas angga.
Sajeroning sejarah, sampun wenten makudang-kudang konsepsi indik privasi. Akeh budaya sane ngangkenin hak individu mangda ngejaga aspek-aspek kauripan pribadi idane saking domain publik. Hak mangda bebas saking invasi privasi sane nenten sah olih pemerintah, perusahaan, utawi angga sampun kasurat ring hukum privasi makudang-kudang negara lan, ring makudang-kudang conto, konstitusinyane.
Majalaran antuk medalnyane teknologi, pabligbagan indik privasi sampun nglimbak saking rasa angga kantos ngranjing rasa digital. Ring akeh panegara, hak privasi digital kaanggep pinaka panglimbak saking hak asli privasi, lan akeh panegara sane sampun ngamedalang pidabdab sane salanturnyane nyaga privasi digital saking badan publik lan swasta.
Wenten makudang-kudang cara anggen ngrejek privasi, sane prasida kaanggen olih perusahaan utawi pemerintah anggen ngamolihang bati utawi politik. Sabaliknyane, mangda prasida nyaga privasi, jadma prasida nganggen enkripsi utawi pidabdab anonim.