Ilias
 | |
| Genre | Ἰλιάς |
|---|---|
| Kasurat | Sawatara abad ka-8 SM |
| Negara | Yunani Kuna |
| Basa | Basa Yunani Homeros |
| Kidung wiracarita | |
| Baris | 15.693 larik |
| Diikuti | Odisea |
| Ngawacen ring Wikisource | Ilias ring Wikisource |
Mal:Perang Troya Ilias (Ancient Greek: Ἰλιάς, romanized: Iliás, artos "[puisi] épos Ilion") inggih punika silih sinunggil riantara kalih wiracarita Yunani Kuna sané kayakinin dados pakaryan pujangga Homeros. Wiracarita puniki merupakan silih sinunggil warisan karya sastra pinih tua sané kantun akéh kaseneningin jadma modérn. Pateh sekadi Odisseia, wiracarita puniki kakepah manados 24 parwa, lan kaanggit nuutin parikrama héksaméter daktilis. Soroh sané katampi umum madaging 15.693 carik. Sareng latar suasana pacang puputné Perang Troya, aksi pangepungan kota Troya selami a dasawarsa sané kamargiang olih parsekutuan negara-negara kota Yunani Mikene, wiracarita puniki nyaritayang indik pidabdab mabuat majeng wuku-wuku pungkuran perang punika, kautamanyané indik paiyegang ageng Raja Agamemnon sareng Akhiles, wirawan kasub. Ilias kanikayang dados silih sinunggil karya sastra utama ring lingkup sastra wiracarita, lan akéh kaanggep dados karya sastra Éropa kapertama sané mabobot.
Punika Ilias miwah Odisseia kasurat ring basa Yunani Homeros, basa sastra bauran basa Yunani dialék Yonia sareng dialék-dialék liyanan, minab ageng sawatara panguntat abad ka-8 utawi pamahbah abad ka-7 SM. Daweg masa Klasik, akidik wénten jadma sané nyangsiang pinaka kakalih wiracarita punika pinaka pakarya saking pujangga Homeros, sakémanten galah puniki sarjana pada umumnyané ngadénang pinaka Ilias tur Odisseia nénten asil pakarya asiki jadma pujangga sané pateh, tur carita-carita sané karangkum ring sajeroning ipun pinaka pahan saking satunggil dresta lisan sané lantang. Wiracarita puniki katembangang olih para panembang puisi Homeros profésional sané kasengguh rapsoidos.
Pokok-pokok utama sané wénten ring wiracarita puniki riantara nyané inggih punika kleos (kemuliaan), kabanggaan, takdir, lan murka. Yadiastun sampun kasub antuk satua-satua sane tragis lan ngawinang sebet, wénten taler satua-satua bebanyolan pacang kapanggihin.[1] Wiracarita Sering pisan kacihnayang pinaka epik maskulin utawi satua indik keberanian, utamannyane yening saihang sareng Odisseia. Ilias puniki teliti nlatarang indik sanjata kuna lan taktik pertempuran, sinambi wantah nampilin makudang-kudang tokoh istri. Déwa-déwi Olimpiade taler madue lakon sane akéh ring wiracarita, ngawantu pahlawan sane kasenengin lan campur tangan ring sengketa antar pribadi. Kapribadian déwa-dewi Olimpiade punika nyelap kamanusiaang mangda prasida mapaiketan sareng pamiarsa Yunani kuna, antuk punika nyihnayang kasujatian budaya lan kapercayaan tradisionalnyané. Ring sajeroning gaya sesuratan formal, panganggénan kruna pangulangan, panganggénan paistilah simile, miwah parab sering pisan dados subjék studi ilmiah.
- ↑ Bell, Robert H. "Homer's humor: laughter in the Iliad." hand 1 (2007): 596.