I Putu Gedé Suata

I Putu Gedé Suata
Embas	6 Oktober 1953 Sempidi, Badung, Bali
Mabangsa	Indonésia
Kauningin	pangawi sastra Bali

I Putu Gedé Suata utawi Ki Dusun (embas ring Sempidi, Badung, 6 Oktober 1953;yusa 71) inggih punika silih tunggil pangawi sastra Bali. Dané magenah ring Lingkungan Banjar Ubung, Kelurahan Sempidi, Kecamatan Mengwi, Kabupatén Badung. Ring warsa 1966, setamat saking Sekolah Dasar di Sempidi raris ngalanturang ring SMP Dwijéndra Dénpasar warsa 1968. Tamat SMP, dané masekolah ring PGHN Dénpasar di Dénpasar warsa 1972 miwah kuliah ring FKIP Univérsitas Dwijendra, Jurusan Pendidikan Bahasa dan Seni, program Studi Pendidikan Bahasa Daérah Bali warsa 1993 miwah STAH Parama Dharma warsa 1998.

Sesuratan

Kakawiannyané naanin kawedar ring Bali Post Minggu, Majalah Canangsari, Majalah Buratwangi, Majalah Satwa, Majalah Yudistira. Polih makudang-kudang paica wiadin juara inggih punika:

• Jayanti I lomba Cipta Lagu-lagu P-4 Geguritan macapat sa-Kabupatén Daérah Tingkat II Badung warsa 1988/1989 sané kalaksanayang olih BP-7 kabupatén Daérah Tingkat II Badung.
• Jayanti harapan I Sayembara mengarang Drama warsa 1989 sané kalaksanayang Balai Penelitian Bahasa Dénpasar.
• Jayanti I Lomba mengarang Cerpén Berbahasa Bali ring Pesta Kesenian Bali XVIII/l996.
• Jayanti II Sayerhbara Panerjemahan Cerpen “Seribu Kunang-Kunang di Manhattan” kakawian Umar Kayam sané kalaksanayang The Ford Foundation warsa 1999.
• Jayanti Harapan II lomba cerpén mabasa Bali ri kala Bulan Bahasa Sastra warsa 1999.
• Jayanti Harapan I lomba mengarang éssai mabasa Bali ring Bulan Bahasa dan Sastra 2001.

Dané nerjemahang Kidung Tantri Manduka Praharana (Cempaka Dua, Denpasar, 1987) miwah Kidung rasmi Sancaya Edan Lalangon (Cempaka Dua, Denpasar, 1987). Ngamedalang cakepan Peparikan Pasuk Wetu (1991), Peparikan Wali Wisesa (1991), Kidung Sewa Dharma Nyanyian Abdi Kebenaran (1991), Basa Sangupati Salukat (1991), miwah Menebak dan Menilai Kakawen Cecimpedan Karya Ida Bagus Gedé Tegeg (1996). Ring widang Sastra Bali Modérn, dané ngamedalang cakepan Maboros (Saba Sastra Bali, 1990), Pupulan Puisi Bali Pongah, sané nganggé aran samaran (Cempaka Dua, 1999), Puisi Bali Majugjag, nganggé aran samaran (Saba Sastra Bali, 2001), Puisi Bali Magantung taler nganggé aran samaran (Buratwangi, 2001), Kulkul, (pupulan Drama miwah Satua Cutet, 2001). Taler sareng ring antologi puisi Puputé Tan Sida Puput.

Lianan ring makekawian dané taler aktif dados: -Tim Penerjemah kakawin, Dinas Pendidikan Dasar Propinsi Dati. I Bali warsa 1998-2000. -Tim Penerjemah Geguritan, Dinas Pendidikan Dasar Propinsi Dati. I warsa 1998-2000. -Tim Penyusun naskah Satua-Satua Bali, Dinas Pendidian Dasar Propinsi Dati. I Bali warsa 1998 2000 -Tim Penerjemah Babad, Kantor Dokumentasi Budaya Bali Propinsi Dati. I Bali warsa 1998-2000 -Tim Penerjemah kakawin, perpustakaan umum kabupatén Badung warsa 2000. -Tim Penyusun buku Satua Bali, Yayasan Saba Sastra Bali warsa 2001.