I Gusti Ayu Putu Mahindu Déwi Purbarini

Saking Wikipédia
Cebur nuju navigasi Cebur nuju parerehan
I Gusti Ayu Putu Mahindu Déwi Purbarini
Embas28 Oktober 1977
Tabanan, Bali
MabangsaIndonésia
Kauninginpangawi sastra Bali

I Gusti Ayu Putu Mahindu Déwi Purbarini, SS (embas ring Tabanan, 28 Oktober 1977;yusa 44) inggih punika silih tunggil pangawi sastra Bali. Ida ngeranjing Kuliah Sastra Indonésia ring Fakultas Sastra Univérsitas Udayana, Dénpasar kantos puput tur polih gelar sarjana sastra (SS) Indonésia, 8 Méi 2004. Puisin-puisinnyané kamuat ring Tabloid Wiyata Mandala, Bali Post, Majalah Buratwangi, Canang Sari. Ragané nanin dados cover majalah gumi Bali "Sarad" (édisi no.19, Juli 2001). Taler kamuat ring buku “Bali Tikam Bali” kakawian Gdé Aryanatha Soéthama ring kepik (halaman) 86 sané mamurda ‘Cuntaka’ Luwes Saja (hal.87). Mangkin dados dosén Sastra Indonésia ring IKIP PGRI Dénpasar muang FKIP Mahasaraswati Dénpasar. Risamping ngemong dados pangemban majalah sastra remaja “Akasa”, Sanggar Sastra Remaja Indonésia (SSRI) Bali ring Tabanan.

Sesuratan[uah | uah wit]

  • "Apang ja Bisa Masekolah" satua bawak (cerpén) ragané polih juara harapan I pacentokan nyurat satwa Bali sajebag Bali (1994).
  • "Lombok Yang Bali" satua bawak indik papelesiran pacentokan saking Bali Post, polih juara II (1995).
  • "Dara Dalam Botol Perahu", juara harapan I pacentokan nyurat puisi sawewengkon Bali ring ‘Pekan Orientasi Kelautan’ Dénpasar (1999).
  • Puisin ragané “Bulan di Kamar Transparan” munggah ring “Antologi Puisi Getar II”, Kota Batu, Malang (1996). Lian ring punika pupulan puisi dané sané ngaenggahang murda “Bulan di Kamar Transparan” kamedalang olih Pusat Balai Bahasa Dénpasar (2006).
  • Ngelantur pupulan Puisi Bali anyar mamurda “Taji”, sané kaarsayang olih majalah sastra Bali anyar “Buratwangi”.

Ida nyurat sastra Indonésia marupa puisi miwah cerpén ngawit ring majalah Era SMP Negeri 2 Tabanan (1989-1991). Ketua Rédaksi majalah Widya, SMA Negeri 2 Tabanan (1994-1995). Dados Staf Rédaksi majalah Kanaka, Fakultas Sastra miwah tabloid UKM Akademik Universitas Udayana Dénpasar (1996-1997). Nyarengin diklat Jurnalistik ring Dénpasar, Yogyakarta miwah Malang (1995, 1996, 1997). Sejaba punika nanin sareng Sanggar Purbacaraka. Paling ngelangenin ri kala masa TK miwah SD (1982-1988) sering masolah ring TVRI Dénpasar sajeroning acara “Aneka Ria Safari Anak-anak Nusantara.”[1]

Pustaka[uah | uah wit]

  1. "Profil I Gusti Ayu Putu Mahindu Déwi Purbarini". suarasakingbali.com. Juli 2017. Kaaksés 5 Pébruari 2020.