Hyang Widi
Ring pikayunan monoteistik, Ida Sang Hyang Widi Wasa ketah kacingak pinaka déwa sané pinih utama, pangripta, miwah objek iman sané utama. Nénten wénten kesepakatan sané pateh indik konsep ketuhanan, punika mawinan wénten makudang-kudang konsep ketuhanan ngranjing teisme, deisme, panteisme, miwah sané lianan.[1] Manut ring teisme, Ida Sang Hyang Widi Wasa punika sane ngardi tur ngenterang makasami sane wenten ring alam semesta. Manut deisme, Ida Sang Hyang Widi Wasa punika sane ngardi alam semesta, nanging Ida nenten nyarengin pamargin alam semesta punika. Manut ring panteisme, Ida Sang Hyang Widi Wasa punika alam semesta. Para sujana maosang yéning sifat-sifat Ida Sang Hyang Widi Wasa punika mawit saking konsepsi sané matiosan indik déwa. Ida punika maraga Widi sane wikan ring saananing sane wenten. Ida maraga maha kuasa, maha linggih, mawisesa. Monotéisme percaya yéning Ida Sang Hyang Widi Wasa punika tunggal, nénten madaging, madué angga, wit sakancan swadharma moral, miwah "saluiring sané pinih utama sané prasida kacingak". Akéh filsuf abad pertengahan miwah modern sané kasub nglimbakang argumen antuk nyokong miwah nulak kawéntenan Tuhan.
- ↑ swinburne, R.G. (1995), "God", ring Honderich, Ted (ed.), The Oxford Companion to Philosophy, Oxford: Oxford University Press