Heinrich Himmler
| Reichsleiter Heinrich Himmler | |||
|---|---|---|---|
.jpg) Himmler ring 1942 | |||
| Reichsführer-SS ka-4 | |||
| Masa jabatan 6 Januari 1929 – 29 April 1945 | |||
| Wakil | Reinhard Heydrich | ||
| Sadurungné | Erhard Heiden | ||
| Selanturné | Karl Hanke | ||
| Manggala Polisi Jerman | |||
| Masa jabatan 17 June 1936 – 29 April 1945 | |||
| Sadurungné | Kantor kaadegang | ||
| Selanturné | Karl Hanke | ||
| Reichsminister Jero Negeri | |||
| Masa jabatan 24 Agustus 1943 – 29 April 1945 | |||
| Kanselir | Adolf Hitler | ||
| Sadurungné | Wilhelm Frick | ||
| Selanturné | Paul Giesler | ||
| Jénderal Makuasa Jangkep antuk Administrasi Reich | |||
| Masa jabatan 20 Agustus 1943 – 29 April 1945 | |||
| Katunjuk olih | Adolf Hitler | ||
| Sadurungné | Wilhelm Frick | ||
| Selanturné | Kantor kaapus | ||
| Posisi wewehan | |||
| Informasi pragaan | |||
| Embas | Heinrich Luitpold Himmler 7 Oktober 1900[1] München, Krajaan Bayern, Kaprabonan Jerman | ||
| Séda | 23 Méi 1945 (yusa 44) Lüneburg, Jerman | ||
| Séda krana | Ulah pati olih karacunan sianida | ||
| Partai politik | Partai Nazi (1923–1945) | ||
| Afiliasi politik lain | Partai Rakyat Bayern (1919–1923) | ||
| Rabi | Margarete Boden (k. 1928) | ||
| Pasangan saumah | Hedwig Potthast (1939–1944) | ||
| Oka | 3, rumasuk Gudrun | ||
| Semeton |
| ||
| Pandidikan | Univérsitas Téknik München | ||
| Tanda tangan |  | ||
| Dinas militer | |||
| Pihak | |||
| Dinas/cabang | |||
| Masa dinas | 1917–1918 (Angkatan Darat) 1925–1945 (SS) | ||
| Pangkat | |||
| Satuan | Resimen Infantri Bayern ka-11 | ||
| Komando | Grup Angkatan Darat Rhine Ulu Army Group Vistula Tentara Pangentos (Beranda) | ||
| Partempuran/yuda | Yuda Jagat II | ||
| |||
Heinrich Luitpold Himmler (Jerman: [ˈhaɪnʁɪç ˈluːɪtpɔlt ˈhɪmlɐ] ⓘ; 7 Oktober 1900 – 23 Méi 1945) inggih punika satunggil politikus lan pamimpin militér Nazi Jerman sané pinaka Reichsführer Nazi ka-4 saking Schutzstaffel (Skuadron Pasaiban; SS), anggota sané utama ring Partai Nazi, lan silih sinunggil jadma sane pinih mawisesa ring Jerman Nazi. Ia utamané kauningin pinaka silih sinunggil arsitek utama Holokaus.
Sesampune ngayah ring batalyon cadangan salami Yuda Jagat I tanpa nyingakin pertempuran, Himmler nglanturang sareng Partai Nazi ring warsa 1923. Ring warsa 1925, dané sareng SS, lengen paramilitér alit saking Partai Nazi sané ngayahin dados unit pangawal antuk Adolf Hitler. Selanturnyané, Himmler munggah nglantur nglintangin jajaran SS dados Reichsführer-SS olih 1929. Ring sor pamucuk Himmler, SS nglimbak saking batalyon 290 diri dados silih tunggil lembaga sané pinih kuat ring Jerman Nazi. Sajeroning pakaryannyane, Himmler ngamolihang kasub antuk kawagedan organisasi sané becik taler antuk milih kacung sané pinih kompetén, sakadi Reinhard Heydrich. Saking warsa 1943, dané dados Manggala Kriminalpolizei (Polisi Pidana) miwah Menteri Jero Negeri, sané ngicénin dané pengawasan ring makasami polisi miwah pasukan keamanan internal miwah éksternal (rumasuk Gestapo). Dané taler ngamong Waffen-SS, carang SS sané ngayah ring payudan ring samping Wehrmacht (pasukan masenjata) ring Yuda Jagat II.
Pinaka penegak utama kewijakan rasial Nazi, Himmler madué sesana ngamargiang konséntrasi lan kamp pamralina taler ngawentuk bala pati 'Einsatzgruppen ring Éropa sané kajajah olih Jerman. Ring kapasitas puniki, dané ngamargiang lakon sentral ring génosida kirang langkung 5,5–6 juta jadma Yahudi lan padem yutaan korban sané lianan salami Holokaus.[2] Adina sadurung kakawitin Operasi Barbarossa ring sasih Juni 1941, Himmler ngamargiang sesana nyusun Rencana Umum Ost, sané sampun kacumpuin olih Hitler ring Méi 1942 miwah kamargiang olih rézim Nazi, sané ngawinang kirang langkung 14 yuta jadma padem ring Éropa Kangin.
Ring warsa-warsa pamuput Perang Dunia II, Hitler ngadegang Himmler dados Panglima Tentara Pangentos miwah Panguasa Jangkep antuk administrasi Reich Katiga (Jenderalbevollmächtigter für die Verwaltung). Dané raris kaicen komandan Grup Tentara Rhine Ulu miwah Grup Tentara Vistula. Nanging, risampuné dané nénten prasida ngamargiang tatujon sané sampun katetapang, Hitler ngentosin dané ring jabatan-jabatan punika. Sadar ring yuda punika sampun kaon, Himmler mautsaha, tanpa kaweruhan Hitler, antuk mukak pabligbagan padameméan sareng kauh Sekutu ring Maret 1945. Rikala Hitler uning indiké punika ring tanggal 28 April, dané ngelepasin Himmler saking makasami jabatannyané lan mrentahang mangda dané katangkep. Sasampuné punika, Himmler mautsaha mengkeb nanging katangkep olih Bala Inggris. Dané ngamademang raga ring tahanan Inggris duk tanggal 23 Mei 1945.
- ↑ Manvell & Fraenkel 2007, p. 13.
- ↑ Evans 2008, p. 318.