HMS Victory
HMS Victory inggih punika kapal layar taru kelas siki sareng 104 meriam. Mayusa 247 warsa ngayahin ngantos 2025, dané wantah kapal angkatan segara pinih purwa ring jagaté sané kantun ring panugasan.[Note 1] Ia kaprentah antuk Angkatan Segara Britania Raya ring warsa 1758, sasuen Perang Pitung Warsa lan pagenahan lunas ring warsa 1759. Warsa punika nyingakin jayanti Britania ring Quebec, Minden, Lagos tur Teluk Quiberon lan lan paindikané punika minab sampun ngawinang pamilihan wasta ritatkala kapilih ring sasih Oktober warsa salanturné. Khususné, parilaksana ring Teluk Quiberon madué pingaruh sané dalem pisan ring pamargin perang; parah ngreredang Angkatan Segara Prancis lan ngingsirang fokusné saking segara. Punika mawinan nénten wénten mabuat antuk muputang kapal lan panandatanganan Pasubayan Paris ring Pébruari 1763 maartos ritatkala Victory pamuputné ngambang metu ring warsa 1765, dané kagenahang ring genah sané ketah. Pawangunanné sampun ngambil 6.000 taru, 90% saking taru ék.
- ↑ USS Constitution punika 30 warsa sané anoman. Dané sasai kabaos pinaka "kapal perang sané katugasin pinih purwa sané kantun ngambang" mawinan dané kaupapira saking trim malayar; Victory punika kasineb ring dermaga tuh.[1]
- ↑ Eastland and Ballantyne (2011) p. 9