Gelombang radio
Gelombang radio (sadurungnyané kawastanin gelombang Hertzian) inggih punika soroh radiasi éléktromagnétik antuk frékuénsi sané pinih andap lan lantang gelombang sané pinih dawa ring spéktrum éléktromagnétik, ketahné sampun andap antuk frékuénsi lantang gelombang 300 gigahertz (GHz) sané agengan saking 1 milliméter (3⁄64 inci), sawatara diaméternyané sakadi bulir padi. Gelombang radio sané frékuénsinyané ring baduur sawatara 1 GHz lan lantang gelombang langkung cendet saking 30 sentiméter kasengguh gelombang mikro.[1] Sakadi makasami gelombang éléktromagnétik, gelombang radio ring hampa udara mamargi antuk kagelisan sinar, lan ring atmosphér Bumi antuk kagelisan sané akidik langkung alonan. Gelombang radio kapolihang olih partikél mamuatan sané ngamargiang pagelisan, sakadi arus listrik sané mavariasi ring galah.[2] Gelombang radio sané mamargi alami kamedalang olih kilap miwah benda astronomi, talee pinaka pahan saking radiasi benda selem sané kamedalang olih makasami benda anget.[3]
Gelombang radio kapolihang antuk kardian olih piranti éléktronik sané mawasta pamancar, sané kasambungang sareng anténa, sané mancarang gelombang punika. Ipun katerima olih anténa sané lianan sané kasambungang sareng panampi radio, sané ngolah sinyal sané katampi. Gelombang radio sampun ketah pisan kaanggén ring téknologi modérn antuk sistem tetep lan komunikasi radio sélulér, panyiaran, radar lan navigasi radio, satelit komunikasi, jaringan komputer nirkabel lan akéh aplikasi sané lianan. Frékuénsi gelombang radio sané mabinayan madué karakteristik perambatan sané mabinayan ring atmosphér gumi; gelombang dawa prasida difraksi ngiterin panghalang sakadi gunung lan nginutin kontur Bumi (gelombang darat), gelombang sané cendet prasida mapantul saking ionosfer lan mawali nuju Gumi nglintangin cakrawala (gelombang langit), asapunika lantang gelombang sané doh cendet kaganggu akidik olih garis pacingakan, dadosnyané doh parambatan ipun kawatesin ring cakrawala visual.
Mangda nénten wénten gangguan pantaraning panganggen sané matiosan, génerasi kardian lan kawigunan gelombang radio kaatur ketat olih hukum, sané kakoordinasiang olih badan internasional sané kawastanin Uni Télékomunikasi Internasional (ITU), sané nelatarang gelombang radio pinaka "gelombang éléktromagnétik lewih alit saking gelombang 3000 GHz, kasobyahang ring ruang angkasa nénten madaging panuntun kardian".[4] sp$ktrum radio kakepah dados makudang-kudang pita radio madasar antuk frékuénsi, sané kaanggen ring kawigunan sané matiosan. Gelombang radio sané frékuénsinyané tegehan, lantang gelombangnyané cendet kawastanin gelombang mikro.
- ↑ Kumar, Sanjay; Shukla, Saurabh (2014). Concepts and Applications of Microwave Engineering. PHI Learning Pvt. Ltd. p. 3. ISBN 978-8120349353.
- ↑ Ellingson, Steven W. (2016). Radio Systems Engineering. Cambridge University Press. pp. 16–17. ISBN 978-1316785164. Kaarsipin saking versi asli tanggal 2024-09-22. Kaaksés 2020-11-19.
- ↑ "Radio wave | Examples, Uses, Facts, & Range | Britannica". www.britannica.com (ring Inggris). 2024-07-26. Kaarsipin saking versi asli tanggal 2024-09-13. Kaaksés 2024-09-22.
- ↑ "Ch. 1: Terminology and technical characteristics - Terms and definitions". Radio Regulations (PDF). Geneva, CH: ITU. 2016. p. 7. ISBN 9789261191214. Kaarsipin (PDF) saking versi asli tanggal 2017-08-29.