Gelombang mikro
Gelombang mikro utawi microwave inggih punika wangun radiasi éléktromagnétik antuk lantang gelombang sané cendet saking gelombang radio sané lianan nanging langkung saking gelombang infrabarak. Lantang gelombangnyané kirang langkung améter ngantos amiliméter, manut ring frékuénsi riantara 300 MHz lan 300 GHz, kaartosang sacara jimbar.[1][2][3][4] Definisi sané pinih lumrah ring rékayasa frékuénsi radio inggih punika kisaran pantaraning 1 lan 100 GHz (lantang gelombang pantaraning 30 cm lan 3 mm),[5]: utawi riantara 1 lan 3000 GHz (30 cm lan 0.1 mm).[6][7] Pangater micro- ring microwave nénten matetujon nyihnayang lantang gelombang ring kisaran mikrométer; sujatinnyané, punika nyihnayang gelombang mikro alit (madué lantang gelombang sané cendet), yéning saihang sareng gelombang radio sané kaanggén ring téknologi radio sadurungnyané.
Wates pantaraning infrabarak doh, radiasi térahertz, gelombang mikro, miwah frékuénsi ultra-tegeh (UHF) cukup arbitrer miwah kawigunayang makudang-kudang pantaraning widang studi sané matiosan. Ring samian kasus, gelombang mikro ngranjing ring makasami pita frékuénsi super tegeh (SHF) (3 ngantos 30 GHz, utawi 10 ngantos 1 cm) ring minimum. Definisi langkung jimbar ngelingkubin UHF lan becikné pita frékuénsi ékstra tegeh (EHF) (gelombang miliméter; 30 ngantos 300 GHz).
Frékuénsi ring lingkuban gelombang mikro ketah kasengguh sareng sengguhan pita radio#IEEE|Pita radar IEEE]]: pita frékuénsi S, C, X, Ku, K, or Ka, utawi olih sengguhan mersib NATO utawi UE.
Gelombang mikro mamargi antuk garis-pacingakan; nénten sakadi frékuénsi sané langkung éndép gelombang radio, ipun nénten difraksi ring nampekan bukit, nyarengin pamukaan gumi pinaka gelombang tanah, utawi mantul saking ionosphér, dadosnyané hubungan komunikasi gelombang mikro téréstrial kawatesin olih cakrawala visual ngantos sawatara 40 mil (64 km). Ring muncuk pita sané tegeh, ipun kaserep olih gas ring atmosphér, ngwatesin jarak komunikasi praktis ngantos sawatara akilométer.
Gelombang mikro akéh kaanggén ring téknologi modérn, umpaminyané ring paiketan komunikasi [[titik-nuju-titik (télékomunikasi)[|titik-nuju-titik]], jaringan nirkabel, jaringan relay radio gelombang mikro, radar, komunikasi satelit lan pesawat ruang angkasa, diatermi médis lan panambaan kanker, penginderaan jarak doh, radio astronomi, partikel koakselerator, spéktroskopi, industri pemanesan, sistem pangelidan tabrakan, pambuka jelanan garasi lan sistem ngeranjing nirsereg, tur anggén ngarateng ajengan ring oven gelombang mikro.
- ↑ Hitchcock, R. Timothy (2004). Radio-frequency and Microwave Radiation. American Industrial Hygiene Assn. p. 1. ISBN 978-1931504553.
- ↑ Jones, Graham A.; Layer, David H.; Osenkowsky, Thomas G. (2013). National Association of Broadcasters Engineering Handbook, 10th Ed. Focal Press. p. 6. ISBN 978-1136034107.
- ↑ Pozar, David M. (1993). Microwave Engineering Addison–Wesley Publishing Company. ISBN 0-201-50418-9.
- ↑ Sorrentino, R. and Bianchi, Giovanni (2010) Microwave and RF Engineering, John Wiley & Sons, p. 4, ISBN 047066021X.
- ↑ Kumar, Sanjay; Shukla, Saurabh (2014). Concepts and Applications of Microwave Engineering. PHI Learning Pvt. Ltd. ISBN 978-8120349353.
- ↑ "Details for IEV number 713-06-03: "microwave"". International Electrotechnical Vocabulary (ring Jepang). Kaaksés 2024-03-27.
- ↑ "Details for IEV number 701-02-12: "radio wave"". International Electrotechnical Vocabulary (ring Jepang). Kaaksés 2024-03-27.