Gaguritan Megantaka

Aran liyanan	gaguritanmegantaka.
Soroh	Susastra
Basa(-basa)	Aksara Bali
Lakaran	Lontar
Ukuran	46,5, 42,5 miwah 48,5 cm x 3,5, 3,6 miwah 3,3 cm
Format	Gaguritan
Aksara	Aksara Bali
Lempir	21, 48 miwah 63
Ngranjing Koleksi ring	Leiden University Library
Klasifikasi Gedong Kirtya	Itihasa

Geguritan Megantaka inggih punika silih tunggil karya sastra bali purwa sanè katembangang miwah kawangun antuk pupuh. Geguritan puniki pinih utama sane marupa lontar kasimpen ring makudang-kudang genah silih tunggilnyane ring perpustakaan universitas Léiden.

Reringkesan Carita

Kacritayang Raja ring Nusantara sane madue jagat jimbar, Ida sang prabu madue anak alit kakalih, kembar lanang istri. Sane pinih duur, sane istri, wantah anak istri sane jegeg tan kadi, arin pun sane lanang taler bagus pisan. Ri sampune embas sang kalih, kawentenan jagate tan becik, ujan angin ngarahina, angin nglinus miwah linuh. Makasami sedih ngatonang kawentenan jagate kadi punika, punika taler Patih Nusantara. Rikala sirep wenten sane mabaos ring sang Patih, sane ngawinang jagate kadi punika wantah riantukan ida sang prabu madue oka kembar buncing. Raris Patih Nusantara matur ring Ida Sang Prabhu, mangda ida ngutang silih tunggil okan ida. Sedih Ida Sang Prabhu mirengang baos sang Patih, sakewanten mangda jagate sayan becik, ida raris ngutang okan idane sane istri. Raden Galuh Ambarasari raris kaayudang antuk perahu nuju Gili emas. Kacritayang, runf Ambaramadia, putra sang prabhu, Raden Mantri kapaksa mangda marabian raris ida ngumbara, Ida mawasta Sang Ambapati. Geguritan Puniki untengnyane geguritan puniki nyritayang indik kawentenan,tur saking crita punika pastika akeh paplajahan urip sane prasida kaplajahin,gaguritan puniki nganggensoroh pupuh lan bait.Geguritan megantaka inggih punika kawian sane merupa kidung,geguritan megantaka sane keartosan ngemolihang keselamatan taler nyatuayang indik ngelimurang manah ring rasa kebingunan sekadi keni baya.