Franz Schubert

Franz Peter Schubert (/ˈʃuːbərt/; Jerman: [fʁants ˈpeːtɐ ˈʃuːbɐt]; 31 Januari 1797 – 19 Nopémber 1828) inggih punika komposer Austria ring panguntat Klasik lan pangawit Romantis. Yadiastun uripné cendet, Schubert ngawarisang karya sane jimbar, ngranjing lewih saking 600 Lieder (gending seni saking basa Jerman) lan karya vokal liyanan, pitu lengkap simphoni, musik suci, opera, musik insidental, lan pangawak ageng piano lan musik kamar. Karya-karyannyané sané utama minakadi tembang-tembang ."Erlkönig", "Gretchen am Spinnrade", tur "Ave Maria"; Trout Quintet; Simphoni No. 8 ring B minor (Durung puput); Simphoni No. 9 ring C mayor (Sané Agung); Kuartet Senar No. 14 ring D minor (Pati tur Bajang); Kuintet Senar ring C mayor; Impromptus antuk solo piano; tiga sonata piano panguntat; Fantasia ring F minor antuk piano papat tangan; opera Fierrabras; musik pangiring antuk drama punika Rosamunde; tur siklus tembang Die schöne Müllerin, Winterreise, saha Schwanengesang.

Embas ring Himmelpfortgrund sisian kota Wina, Schubert nyihnayang paica sané nénten lumrah antuk musik saking yusa sane kantun alit. Ajinné ngicenin paplajahan biola kapertamane lan adinnyané ngicenin paplajahan piano, nanging Schubert enggal nglintangin kabisan ipunne. Ring warsa 1808, duk mayusa solas tiban, ida dados sisia ring sekolah Stadtkonvikt, irika ida uning Joseph Haydn, Wolfgang Amadeus Mozart, tur Ludwig van Beethoven sareng musik orkéstra warsa 1808. Dané matilar saking Stadtkonvikt ring panguntat warsa 1813 miwah mawali budal ka umahnyané mangda prasida meneng sareng ajinnyané, irika dané ngawitin malajah dados guru sekolah. Yadiastun asapunika, dane nglanturang malajah ring sajeroning komposisi sareng Antonio Salieri lan kantun nyusun antuk prolifik. Ring warsa 1821, Schubert karanjingang ring Gesellschaft der Musikfreunde pinaka anggota patunjukkan, sane ngawantu ngawangun wastanne ring kalangan warga Wina. Ida ngicénin konser karyanne antuk pangajum kritis saking Maret 1828, wantah asiki galah ida ngalaksanayang punika saking pakaryanne. Ida padem kutus sasih salanturnyané duk mayusa 31 tiban, sané ngawinang resmi mapaiketan sareng gelem tipes, sakéwanten kapercayain olih makudang-kudang sejarawan pinaka sifilis.

Apresiasi musik Schubert dugas ia idup kawatesin saking lingkehan pangagum sané relatif alit ring Wina, nanging minat saking karyanne nincap pinih ageng saking makudang-kudang dasawarsa sasampun kapademné. Felix Mendelssohn, Robert Schumann, Franz Liszt, Johannes Brahms miwah komposer abad ka-19 tiosan manggihin miwah ngajumang karya-karyannyané. Sané mangkin, Schubert kabaos silih sinunggil komposer sane pinih ageng ring lelintihan Musik klasik Kauh lan musiknyane terus kasobyahang antuk jimbar.