Cebur nuju daging

Filogenetika

Saking Wikipédia

Ring biologi, filogenetika ( /ˌfaɪloʊdʒəˈnɛtɪks, -lə-/ ) [1] [2] [3] inggih punika paplajahan indik sejarah evolusi kahuripan ngawigunayang karakteristik organisme (utawi gen) sané prasida kaselehin, sané kasengguh inferensi filogenetik . Puniki nyimpulang paiketan pantaraning organisme manut data empiris miwah nyelehin sifat-sifat warisan saking undagan DNA, undagan asam amino protein, miwah morfologi . Pikolihnyané inggih punika entikan filogenetik —diagram sané nyihnayang paiketan hipotetis pantaraning organisme, sané nyihnayang sejarah evolusi sané sampun kacutetang. [4]

Muncuk entikan filogenetik pinaka panyeledihi saking entitas sané kaselehin, sané prasida dados taksa maurip utawi fosil . Diagram filogenetik prasida maakar utawi nénten maakar. Diagram entikan sané maakar nyihnayang leluhur umum hipotetis saking taksa sané kaseledihi ring entikan punika. Diagram pohon sané nénten maakar (jaringan) nénten makarya asumsi indik arah transformasi kahanan karakter, miwah nénten nyihnayang wit utawi "akar" taksa sané kasangsiang. [5]

Tiosan ring kawigunan ipun rikala nyutetang pola filogenetik pantaraning taksa, analisis filogenetik sering kawigunayang rikala nyeledii paiketan pantaraning gen utawi organisme individu. Kawigunan sekadi punika sampun dados unteng rikala ngresepang keanekaragaman hayati, evolusi, ekologi, miwah genom.

Filogenetika wantah pahan saking sistematika sané ngawigunayang pateh miwah pabinayan karakteristik spesies mangda prasida narka paiketan evolusioner miwah witnyané. [6]

Ring widang seseleh kanker, filogenetika prasida kawigunayang rikala mlajahin evolusi klon tumor miwah kronologi molekuler, narka miwah nyihnayang sapunapi populasi sel mabinayan salami panglimbak pinungkan miwah salami nambanin, ngawigunayang teknik sekuensing makasami genom. [7] Santukan sel kanker mareproduksi antuk mitosis, proses evolusi ring ungkur panglimbak kanker banget matiosan saking spesies sané mareproduksi seksual. Pabinayan puniki kacihnayang ring makudang baga: soroh aberasi sane kapanggihang, kawentenan mutasi, heterogenitas (variabilitas) sane tegeh saking subklon sel tumor, taler nenten wenten rekombinasi genetik. [8] [9]

Filogenetika taler prasida ngwantu ring desain miwah penemuan tamba. Filogenetika ngawinang para sujanané prasida ngatur spesies miwah nyihnayang spesies sané minab sampun ngwarisin sifat-sifat tertentu sané maguna ring medis, sekadi ngasilang senyawa aktif biologis - sané mapanglalah ring angga manusa. Minakadi, ring penemuan tamba, buron sané ngasilang racun banget mawiguna. Racun saking buron puniki ngasilang makudang-kudang tamba sane mabuat, minakadi, penghambat ACE lan Prialt ( Ziconotide ). Mangda prasida manggihin racun anyar, para sujana mawali ring filogenetika mangda prasida nyelehin spesies sané mapaiketan raket sané minab madué cecirén sané maguna sané pateh.

Asiki clade ulam alit, nyihnayang sapunapi racun sampun maevolusi makudang-kudang kali. [10]


Pohon filogenetik nyihnayang spesies ulam sané madaging racun, miwah ulam sané mapaiketan minab taler madaging sifat punika. Ngawigunayang pendekatan puniki, para ahli biologi prasida ngidentifikasi spesies ulam, ula lan kadal sane minab beracun. [11]

Ring ilmu forensik, alat filogenetik maguna pisan rikala nyelehin bukti DNA ring kasus pengadilan. Analisis filogenetik sampun kawigunayang ring pengadilan pidana mangda prasida ngluputang utawi nahan individu.

Forensik HIV ngawigunayang analisis filogenetik anggen ngrereh pabinayan gen HIV taler nentuang paiketan kalih sampel. Forensik HIV madue watesan, inggih punika, nenten prasida dados bukti tunggal transmisi pantaraning individu, lan analisis filogenetik sane nyihnayang paiketan transmisi nenten nyihnayang arah transmisi. [12]

Cingak taler

[uah | uah wit]
* Kelompok Filogeni Angiospermae

Lis pustaka

[uah | uah wit]
  1. ↑ Mal:Dictionary.com
  2. ↑ Mal:MerriamWebsterDictionary
  3. ↑ from Greek φυλή/φῦλον [phylé/phylon] "tribe, clan, race", and γενετικός [genetikós] "origin, source, birth" Liddell, Henry George; Scott, Robert; Jones, Henry Stuart (1968). A Greek-English lexicon (édisi ka-9). Oxford: Clarendon Press. p. 1961.
  4. ↑ "phylogeny". Biology online. Kaaksés 2013-02-15.
  5. ↑ Itzik, Peer (1 January 2001). "Phylogenetic Trees". www.cs.tau.ac.il.
  6. ↑ Harris, Katherine (23 June 2019). Taxonomy & Phylogeny. Biology LibreTexts. Kaaksés 19 April 2023.
  7. ↑ Herberts, Cameron; Annala, Matti; Sipola, Joonatan; Ng, Sarah W. S.; Chen, Xinyi E.; Nurminen, Anssi; Korhonen, Olga V.; Munzur, Aslı D.; Beja, Kevin; Schönlau, Elena; Bernales, Cecily Q. (August 2022). "Deep whole-genome ctDNA chronology of treatment-resistant prostate cancer". Nature (ring Inggris). 608 (7921): 199–208. Bibcode:2022Natur.608..199H. doi:10.1038/s41586-022-04975-9. ISSN 1476-4687. PMID 35859180 Check |pmid= value (help).
  8. ↑ Schwartz, Russell; Schäffer, Alejandro A. (April 2017). "The evolution of tumour phylogenetics: principles and practice". Nature Reviews Genetics (ring Inggris). 18 (4): 213–229. doi:10.1038/nrg.2016.170. ISSN 1471-0056. PMC 5886015. PMID 28190876.
  9. ↑ Ní Leathlobhair, Máire; Lenski, Richard E. (2022). "Population genetics of clonally transmissible cancers". Nature Ecology & Evolution (ring Inggris). 6 (8): 1077–1089. Bibcode:2022NatEE...6.1077N. doi:10.1038/s41559-022-01790-3. ISSN 2397-334X. PMID 35879542 Check |pmid= value (help).
  10. ↑ "Drug discovery - Understanding Evolution" (ring Inggris). 2021-07-07. Kaaksés 2023-04-23.
  11. ↑ "Drug discovery - Understanding Evolution" (ring Inggris). 2021-07-07. Kaaksés 2023-04-23.
  12. ↑ Bernard, EJ; Azad, Y; Vandamme, AM; Weait, M; Geretti, AM (2007). "HIV forensics: pitfalls and acceptable standards in the use of phylogenetic analysis as evidence in criminal investigations of HIV transmission". HIV Medicine. 8 (6): 382–387. doi:10.1111/j.1468-1293.2007.00486.x. ISSN 1464-2662. PMID 17661846.
Kapolihang saking "https://ban.wikipedia.org/w/index.php?title=Filogenetika&oldid=234173"