Entik-entikan tamba
Entik-entikan tamba inggih punika entik-entikan sane sampun kaidentifikasi lan kauningin madasar antuk pengamatan manusa madue senyawa sane mawiguna anggen nyegah lan nambanin penyakit, ngelaksanayang fungsi biologis tertentu, lan nyegah serangan serangga lan jamur. Sakirangnyane 12 tali senyawa sampun kaisolasi saking makudang-kudang tetanduran tamba ring jagate, nanging akehnyane wantah dasa persen saking makasami senyawa sane prasida kaekstraksi saking makasami tetanduran tamba. [1] [2]
Kawigunan entik-entikan pinaka tamba sampun wenten saking aab prasejarah. Duk warsa 2001, para peneliti nguningayang indik 122 senyawa sane kawigunayang ring kedokteran modern mawit saking senyawa entik-entikan sane sampun kawigunayang ngawit saking masa prasejarah. [3] Dadosnyane akeh tamba sane wenten mangkin mawit saking tamba herbal, sakadi aspirin sane kakaryanin saking kulit kayu willow, taler digitalis, quinine, lan opium .
WHO ngawedarang 80 persen jadma ring Asia lan Afrika nganggen tamba herbal antuk makudang-kudang aspek perawatan kesehatan. Amerika Serikat miwah Eropa kirang madue ketergantungan, nanging nyihnayang tren sane sayan nincap santukan efektivitas makudang-kudang entik-entikan tamba sampun kauji lan katerbitang antuk ilmiah. Ring warsa 2011, nilai total tetanduran tamba sane kaadol ring sajebag jagat sampun ngantos langkungan saking 2,2 miliar USD. [4]
Antuk sumber sane mawit saking entik-entikan, kasugihan biologis suatu negara, sakadi alas, dados mabuat, [5] lan karusakan alas ngancam kawentenan entik-entikan tamba sane dumun lan mangkin kaanggen olih krama adat sane magenah ring wewidangan alas lan sekitarnyane. [6] Keanekaragaman hayati ring alas mabuat nenten ja wantah pinaka sarana nglestariang spesies entik-entikan tamba majeng ring manusa, nanging taler prasida dados sumber tamba darurat majeng ring buron langka ring cagar alam . Entik-entikan sane mawiguna puniki patut kaidentifikasi lan kaselehin malih, lan para ahli konservasi utawi rangers patut kalatih nganggen entik-entikan tamba puniki. [7] Kaweruhan ngenenin indik kawigunan tetanduran tamba ring alas prasida kapolihang saking krama lokal madasar antuk pengalamannyane sane katedunang saking turun temurun. [8] [9] Suku Tugutil ring Taman Nasional Aketajawe Lolobata, Halmahera, madue kaweruhan indik kirang langkung 116 soroh entik-entikan lokal, antuk 71 soroh sane kaanggen entik-entikan ajeng-ajengan lan 45 soroh sane kaanggen entik-entikan tamba. [10]
- ↑ Tapsell LC, Hemphill I, Cobiac L; et al. (August 2006). "Health benefits of herbs and spices: the past, the present, the future". Med. J. Aust. 185 (4 Suppl): S4–24. PMID 17022438. Explicit use of et al. in:
|last=(help)CS1 maint: multiple names: authors list (link) - ↑ Lai PK, Roy J (June 2004). "Antimicrobial and chemopreventive properties of herbs and spices". Curr. Med. Chem. 11 (11): 1451–60. PMID 15180577.
- ↑ Fabricant DS, Farnsworth NR (March 2001). "The value of plants used in traditional medicine for drug discovery". Environ. Health Perspect. 109 Suppl 1 (Suppl 1): 69–75. PMC 1240543. PMID 11250806.
- ↑ "Salinan arsip". Kaarsipin saking versi asli tanggal 2018-03-01. Kaaksés 2014-04-13. Unknown parameter
|dead-url=ignored (help) - ↑ Zuhud, Ervizal A. M. (1989). "Strategi Pelestarian dan Pemanfaatan Keanekaragaman Hayati Tumbuhan Obat Indonesia". Media Konservasi IPB.
- ↑ Zuhud, Ervizal A. M. (2009). "Kebijakan Pembangunan Kesehatan Masyarakat Indonesia yang "Bhineka Tunggal Ika" dengan Pengembangan Potensi Lokal Ethno-Forest-Pharmacy (Etno-Wanafarma) pada Setiap Wilayah Sosio-Biologi Satu-Satuan Masyarakat Kecil". Fakultas Kehutanan Institut Pertanian Bogor.
- ↑ Ulfah, Maria (2006). "The Potency of Medicinal Plants as A Multi Function Phytobiotic to Improve Performance and Health Condition of Wild Animals in Captivity". Media Konservasi IPB.
- ↑ Sangat, Harini M. (2006). "The Role Of Local Knowledge In Developing Indigenous Indonesian Medicine". Media Konservasi IPB.
- ↑ Pulunggono, Heru Bagus (1999). "Ethonobotany of People Live in Amarasi of Kupang, Mollo and Amanatun of South Central Timor, West Timor, Indonesia". Media Konservasi IPB.
- ↑ Karim, Kartini Abd.; Thohari, Mahmud; Sumardjo (2006). "Utilization of plant genetic biodiversity by Tugutil tribe in Aketajawe Lolobata National Park". Media Konservasi IPB.CS1 maint: multiple names: authors list (link)