Donna Strickland
| Donna Strickland | |
|---|---|
_(cropped).jpg) | |
| Embas | Donna Theo Strickland 27 Méi 1959 Guelph, Ontario, Kanada |
| Pendidikan |
|
| Kauningin |
|
| Kurenan | Doug Dykaar |
| Oka | 2 |
| Pangormatan |
|
| Karir Ilmuwan | |
| Bidang |
|
| Institusi | Universitas Waterloo |
| Thesis | Development of an ultra-bright laser and an application to multi-photon ionization (1988) |
| Doctoral advisor | Gérard Mourou |
| Situs wéb | University website |
Donna Theo Strickland inggih punika fisikawan miwah peneliti saking Kanada tur dados profésor ring Universitas Waterloo. Donna embas tanggal 27 Méi 1959 ring Guelph, Ontario, Kanada. Donna ngamolihang Penghargaan Nobél Fisika ring warsa 2018 sareng Arthur Ashkin miwah Gérard Mourou antuk pakaryannyané nglimbakang téknik Chirped Pulse Amplification (CPA). Téknik punika marupa métode pinih anyar sané prasida ngawéntenang pulsa laser sané pinih énggal nanging nénten ngusak material. Téknologi puniki madué dampak ring makudang-kudang wewidangan, rumasuk bedah panyingakan LASIK miwah manufaktur presisi sané tegeh.[1]
Donna pinaka anak istri kapetama sané ngamolihan penghargaan Nobél saking 55 warsa sané sampun lintang, miwah dados anak istri nomer tiga sané ngamolihang Nobel Fisika sasampun setelah Marie Curie (1903) miwah Maria Goeppert Mayer (1963). Donna punika dados anak istri kapetama sane ngamolihang Hadiah Nobel ring wewidangan fisika.[2]
Donna ngamolihang gelar sarjana ring fisika téknik saking Universitas McMaster ring Hamilton, Ontario, ring warsa 1981. Salami Donna malajah irika, dané seneng sareng téknologi laser miwah elektro-optika, wewidangan sané dados pahan utama ring penyelehan dané. Ring McMaster, dané rumasuk ring akidik anak istri sané masuk ring jurusan téknik.
Sasampun ngamolihang gelar sarjana, Donna nglanturang studi pascasarjana ring Univérsitas Rochester ring Rochester, New York. Univérsitas puniki dados silih tunggil genah penyelehan pinih becik ring wewidangan optik miwah fotonika. Irika, Donna makarya tur kabimbing olih Gérard Mourou, inggih punika ahli fisika laser sané madué akéh pengalaman ring panglimbakan téknologi laser madaya tegeh.
Ring warsa 1989, Donna prasida muputang penyelehan doktoralnyané tur ngamolihang gelar Ph,D. saking Univérsitas Rochester. Karya penyelehannyané ring laboratorium punika madué kontribusi sané ageng ring panglimbakan téknologi laser sané madué daya tegeh. Punika sané ngranayang Donna ngamolihang pengakuan internasional. Hasil penyelehannyané sareng Mourou, utamannyané ring panglimbakan Chirped Pulse Amplification (CPA), pinaka silih tunggil terobosan penting ring fisika laser tur prasida ngawéntenang marga antuk makudang aplikasi ilmiah miwah médis ring galah sané pacang rauh.[3]
Sasampun muputang studi doktoralnyané, Donna mawali ka Kanada tur makarya ring National Research Council (1988-1991). Salanturnyané, dané mawali ka Amérika Serikat antuk makarya ring Laboratorium Nasional Lawrence Livermore (1991-1992), miwah dados staf teknis di Advanced Technology Center for Photonics and Optoelectronic Materials, Universitas Princeton. Saking warsa 1997, dané makarya ring departemén fisika miwah astronomi Universitas Waterloo, Kanada. Dané kapilih dados anggota Optical Society (OSA) utawi ring galah puniki optica punika pinaka organisasi profésional global sané ngutamayang panglimbakan ilmu optik miwah fotonik ring warsa2008, dane taler dados anggota Dewan Direksi OSA ring warsa 2005–2007, tur dados Wakil Présidén OSA ring warsa 2011. Salanturnya dados Presidén ring warsa 2013. Ring warsa 2004 - 2010, Donna Strickland kacatet dados panguwah topik jurnal Optics Letters. Ring galah puniki, dané dados ketua Komite Penasihat Kepresidenan Optica.[1]
Donna Strickland dados anggota kehormatan tur sadurungnyané naenin dadosanggota dewan miwah Direktur Urusan Akademik antuk Asosiasi Fisikawan Kanada (Canadian Academy of Engineering dan Institute of Physics). Lianan saking punika, Donna taler dados anggota RSC (Royal Society of Canada) miwah SPIE (International Society for Optics and Photonics).[4]
Ring warsa 1985, kasarengin antuk Gérard Mourou, Donna prasida ngrékeyasa pulsa laser ultra bawak mainténsitas tegeh nanging nénten ngusak material penguatnyané antuk nguadang tegangan laser, punika kauwadang antuk ngawewehin énerginnyané tur panguntatnyané kapadatang malih. Téknik puniki kawastanin Chirped Pulse Amplification (CPA), sané prasida ngamolihang daya pinih tegeh, tur ngantos tegehan saking pettawatt. Téknik CPA akéh kaanggén ring galah puniki, utamannyané ri tatkala operasi bedah panyingakan.[1]
- 1998 - Alfred P. Sloan Research Fellowship.
- 1999 - Penghargaan Excellence Riset Ontario Premier.
- 2000 - Penghargaan Cottrell Scholars, yang merupakan penghargaan untuk penelitian dan kepemimpinan akademis.
- 2008 - Diangkat sebagai anggota Optical Society of America, atas karyanya di bidang laser dan ilmu optik ultra cepat.
- 2018 - Hadiah Nobel dalam bidang Fisika bersama Gérard Mourou, atas metode dalam menghasilkan pulsa optik intensitas tinggi dan sangat pendek.
- 2019 - Companion of the Order of Canada, atas kontribusinya terhadap fisika optik dan pengembangan inovatif dalam ilmu optik ultra-cepat.
- 2020 - Photonics Pioneer Award, Fitzpatrick Institute of Physics, Duke University.
- 2021 - Paus Francis mengangkat Donna Strickland sebagai anggota biasa Akademi Ilmu Pengetahuan Kepausan.
- ↑ 1,0 1,1 1,2 "Nobel Prize in Physics 2018". NobelPrize.org (ring Inggris). Kaaksés 2025-03-16.
- ↑ Kontributor, Swedia (2018-10-03). "Kompas.com". Donna Strickland, Wanita Pertama Peraih Nobel Fisika Setelah 55 Tahun. Kaaksés 2025-03-16.
- ↑ "Nobel laureate Donna Strickland: 'I see myself as a scientist, not a woman in science'". The Guardian (ring Inggris). 2018-10-20. ISSN 0261-3077. Kaaksés 2025-03-16.
- ↑ "Donna Strickland | Perimeter Institute". perimeterinstitute.ca. Kaaksés 2025-03-16.