Debus

Saking Wikipédia

Debus inggih punika silih sinunggil kesenian sane kasor saking Provinsi Banten. Debus ngawit saking pertama medal kaanggen antuk sarana ngwedarang ajahan Agama Islam, ring panglimbakannyane Debus kaanggen sarana nangiang semangat para pejuang ngelawan penjajah Welanda (sedek jaman Raja Sultan Ageng Tirtayasa) mawit mangkin kaanggen ilen-ilen. Wenten kasenian sane mesib kasenian Debus sane kapercaya dados kasal kasenian Debus, inggih punika kasenian Al’ Madad. Pamilet sane seneng kasenian  Al’Madad nenten saakeh kasenian Debus.

Pakebat ring Panglimbakannyane[uah | uah wit]

Debus ring tepengan sekadi mangkin katuju dados silih sinunggil kasenian sane ngambarang siteng-sitengan bayu rikala ngebug raga olih para pemain, tiyosan punika kasenian debus puniki nganggen piranti sakadi tiuk, samurai utawi besi tanying tiyosan. Kasenian debus naening vakum utami kosong tur kakawitin malih ring tahun 1960-an. Kasenian debus, kakawitin malih olih paguron utawi sanggar silat. Nenten je sami pesilat nika mresidayang ngagemin debus, nanging yening sampun ngagemin debus sampun pastika nika pesilat.

Wenten tigang soroh paguron sane kaloktah ring wilayah Banten sajeroning Silat Cimandre,Silat Bandrong, tur maning Silat Terumbu. Soang-soang padepokan utawi paguron madue ciri khas tur kagambel olih siki guru sane kawastanin Syeh. Syeh puniki ngambel 20 (duang dasa) diri pacentokan debus sampun kasarengin olih sane atraksi lan penabuh nayaga. [1]

Busana Debus[uah | uah wit]

Yening jagi nampilang kasenian debus, kaperluang sarana busana pemain, sarana kasenian tur sarana atraksi pacentokan debus. Busana debus sane kaanggen wenten tigang soroh inggih punika lomar (panegul ring duur), kwaca kampret, celana pangsi. Wenten tigang soroh kasenian, sane nganggen kwaca utawi pengangge tiosan minakadi ciri tema kasenian sane kabaktayang minakadi wenten kasenian kendang penca nganggen terompet, gong, kendang kemprang, kendang gedur lan kulanter. Kasenian tiosan wenten kasenian patingtung sane nganggen gamelan rebana, kecrek tur besi.[2]

Sarana Atraksi Debus[uah | uah wit]

Sarana atraksi debus sane kaanggen minutin tema utawi jenis atraksi sane jagi kabaktayang. Akeh wenten atraksi debus kirang langkung petang dasa soroh sane kaloktah ring Banten. Atraksi sane biase kabaktayang inggih punika mejalan duur api, ngedig kayu anggen duwur (kepala), nusuk kapehan nganggen jaum, ngenjekin aasan kaca, nyiam raga nganggen air keras, nusuk waduk nganggen jaum utawi paku utawi golok, melutin kulit nyuh nganggen gigi. [3]

Pustaka[uah | uah wit]

  1. Admin_BPK_Wil_IX (2020-04-17). "Debus, Kesenian Tradisional Masyarakat Banten". Balai Pelestarian Nilai Budaya Jawa Barat (ring Inggris). Kaarsipin saking versi asli tanggal 2023-02-26. Kaaksés 2023-02-26.
  2. Admin_BPK_Wil_IX (2020-04-17). "Debus, Kesenian Tradisional Masyarakat Banten". Balai Pelestarian Nilai Budaya Jawa Barat (ring Inggris). Kaarsipin saking versi asli tanggal 2023-02-26. Kaaksés 2023-02-26.
  3. Admin_BPK_Wil_IX (2020-04-17). "Debus, Kesenian Tradisional Masyarakat Banten". Balai Pelestarian Nilai Budaya Jawa Barat (ring Inggris). Kaarsipin saking versi asli tanggal 2023-02-26. Kaaksés 2023-02-26.