Danda pati

Danda pati (Indonésia: hukuman mati) inggih punika parilaksana sané kamargiang olih Negara (pameréntah) ngamademang anak pinaka danda antuk nyorah, minakadi Danda Pati ring Indonésia. Putusan sané mrentahang tersangka mangda keni danda pati prasida kabaos sampun Putusan mati, lan parilaksana ngelaksanayang danda punika kawastanin éksekusi.

Kacorahan sané prasida keni danda pati punika akéh sorohné mapaiketan sareng jurisdiksi, Nanging ketahné nyarengin kacorahan sané ageng majeng ring jamda, minakadi pamademan (napiké sampun karencanayang utawi nénten), pamademan masal, pamarikosa (ketah taler ngranjing palécéhan séksual raré), terorisme, kacorahan yuda, kacorahan majeng kamanusan, lan génosida, kawewehin kacorahan majeng ring negara minakadi upaya ngrusak pameréntah, pangkhianatan, spionase, ngujug-ngujug, lan pambajagan, miwah kacorahan sane tiosan minakadi residivisme, mamaling sané seken, panculikan, taler panyelundupan, paadolan, utawi padruénan narkoba.

Lelintihanné, éksekusi mati kamargiang sareng munggal sirah, Nanging, éksekusi prasida kamargiang antuk makudang-kudang tata cara, minakadi danda gantung, bedil, suntikan ngemademang, rajam, serangan listrik, miwah gas maupas.