Dam Oongan
Dam Oongan inggih punika silih sinunggil unsur mabuat magenah ring banjar Oongan Desa adat Oongan nanging madesa dinas ring Tonja. Dam puniki prasida nguwahang yeh ipun nyantos ka Denpasar Selatan. Dam puniki kawangun duk madeg Ida Ki Sawunggaling, sane daweg nika ketah pinaka tokoh sane madue pangewruh ring panglimbak jagate daweg nika[1].
Dam puniki mabuat pisan kaanggen ring subak, santukan subak utawi carik sane wenten ring denpasar majanten sampun nganggen yeh pinaka uperengga kaanggen rikalaning matanduran, minakadi Subak Sésétan, Subak Renon, tur subak sane tiosan.
Ring tiyosan kawentenan Dam Oongan sane kawigunayang anggen irigasi ring subak, Dam Oongan punika sampun kasub pinaka genah sane angker utawi tenget, saantuk akeh kramane mawosang minakadi gamang tur mahluk sane tiosan makeh sane nyeneng irika. [2] Nanging, kawentenanne punika patut iraga sareng-sareng nuenang mangda sida nyujur sane kawastanin harmoni.
- ↑ Denpasar, Kota. "Pembangunan Bendungan Oongan, sekitar 1914-1921". Kaaksés 2025-04-13.
- ↑ Kusuma, Edgar. "Kisah Mengerikan di Balik Indahnya Dam Oongan". budayabali.com. Kaaksés 2025-04-13.