Dalian

Dalian (/dɑːˈljɛn/ dah-LYEN) inggih punika sub-propinsi kota pelabuhan utama ring propinsi Liaoning, Républik Rakyat Cina, miwah pinaka kota sané pinih ageng kaping kalih ring Liaoning (sesampun ibu kota propinsi Shenyang) miwah kota sané pinih akéh panjakné kaping tiga ring Cina Kalér Kangin (sesampun Shenyang miwah Harbin). Magenah ring muncuk kelod samenanjung Liaodong, kota puniki pinaka kota sané tanggu kelod ring Liaoning miwah ring makasami Kalér Kangin. Dalian mawates sareng kota-kota préféktur saking Yingkou miwah Anshan ring sisi kalér miwah Dandong ring sisi kalér kangin, taler madué wates maritim sareng Qinhuangdao ring sisi kauh miwah Huludao, Yantai lan Weihai ring samenanjung Shandong nglintangin Selat Bohai ring sisi kelod, lan Koréa Kalér nglintangin Celuk Koréa ring sisi kangin.