Désa Adat
Desa Adat inggih punika satuan pemerintahan sane kakelola olih masyarakat adat lan madue hak ngatur wawidangan (hak adat) lan kahuripan masyarakat ring sajeroning lingkungan desa adat. [1] Désa adat madué makudang-kudang wasta ring makudang-kudang wewidangan, minakadi nagari, huta, marga, miwah negeri. [1]
Desa Adat inggih punika wangun masyarakat tradisional sane kantun ngajegang nilai lan tradisi leluhur. Ceciren désa adat inggih punika kawéntenan struktur sosial hierarkis, antuk pah-pahan peran manut saking status sosial miwah kulawarga. Krama desa adat sering maduwe sistem hukum adat sane matiosan saking hukum negara, sane ngatur makudang soroh kauripan parajanane, sekadi tanah, padruwen miwah sengketa. [2]
Desa Adat ring Indonesia pinaka imba sane konkret saking parajana adat. Desa-desa puniki sering madue struktur pemerintahan adat sane mapasahan sareng pemerintah negara, antuk pemimpin adat sane madue wewenang ngatur kauripan krama lokal. Désa adat taler sering miara tradisi budaya sané unik, minakadi upacara adat, seni miwah kerajinan tangan. [3]
Ring Bali desa adat taler kawastanin desa pekraman . [4] Desa Adat maduwé status, linggih miwah kawigunan sané matiosan ring désa administrasi (désa administrasi pemerintah). Makekalih saking perspektif pemerintah utawi saking perspektif masyarakat. "Désa adat maguna ring widang adat (désa sané maurip manut adat pinaka cihna saking lembaga adat )" raris "désa layanan" kacingakin saking kawigunannyané ring widang pamréntahan pinaka lembaga pamréntah sané pinih andap ring sajeroning pamargin otonomi daerah.
Ceciren desa adat ring Bali minakadi ( Pitana, 1994:145):
- Duwe wates teritorial sane sampun pastika. Umumnyane marupa wates alam sekadi tukad, alas, jurang, bukit utawi pasih.
- Duwe anggota sane tatas ( krama ) antuk sarat sane sampun pastika.
- Madue kahyangan tiga utawi kahyangan desa (kahyangan desa tiga), utawi pura sane siosan sane madue wiguna lan peran pateh sekadi kahyangan tiga.
- Madue otonomi, becik ring jaba utawi ring jero.
- Madue pemerintahan adat, antuk pengelolaannyane soang-soang ( pemimpin adat ). [5]
Gubernur Bali I Wayan Koster ngusulang mangda desa adat polih wantuan jinah majalaran antuk APBN, pateh sakadi dana desa miwah kecamatan. [6]
- ↑ 1,0 1,1 Nurul Firmansyah. "Peluang Desa Adat dalam Memperkuat Hak-Hak Masyarakat Hukum Adat". Kaarsipin saking versi asli tanggal 2016-12-12. Kaaksés 8 Juni 2016.
- ↑ Empty citation (help)
- ↑ S. Langlois, Traditions: Social, In: Neil J. Smelser and Paul B. Baltes, Editors-in-Chief, International Encyclopedia of the Social & Behavioral Sciences, Pergamon, Oxford, 2001, Pages 15829-15833, ISBN 978-0-08-043076-8, doi:10.1016/B0-08-043076-7/02028-3
- ↑ Post, Redaksi Portal Bali (2019-02-03). "Dipastikan, Nama Desa Pekraman Diganti Jadi Desa Adat". BALIPOST.com (ring Indonesia). Kaaksés 2019-03-17.
- ↑ "Ciri-ciri Desa Adat, Desa Otonom, Desa Administratif dan Kelurahan – PAPUA.ws" (ring Inggris). Kaaksés 2019-03-17.
- ↑ antaranews.com. "Bali usulkan dana untuk desa adat - ANTARA TV". Antara News. Kaaksés 2019-03-17.