Cindaku
| Aran | Cindaku |
|---|---|
| Negara | Indonésia |
| Wewidangan | Jambi |
Cindaku utawi kaloktah dados manusa macan inggih punika makhluk mitologis sane kagambarang dados manusa sane prasida mauwah dados setengah macan lan prasida ngadeg sakadi manusa utawi taler prasida kasengguh Indonésia versi serigala. Manut satua, cindaku puniki kaloktah dados manusa sane madue kaweruhan magis, kaweruhan puniki kawarisang saking leluhurnyane.[1][2][3]
Kaceritayang dumun, wenten prajurit sane magenah ring goa ring Payakumbuh, sane magenah ring Lebak Harau. Ida nguasayang silat macan (seni bela diri) lan ngamargiang meditasi sane ekstensif, ngawinang ida prasida mauwah dados roh macan. Manut carita, tokoh puniki madeg ratu ring Gunung Merapi miwah Gunung Singgalang.[4]
Manut carita, cindaku inggih punika kawisesan sakti sane kawarisang saking leluhurnyane. Sane prasida nyuti rupa dados cindaku inggih punika sang sane madue bakat spiritual lan rah suci nirmala. Ipun kabaosang prasida mauwah dados macan ritatkala ngenahang dada ring tanah airnyane. Macan kasungkemin olih krama Minangkabau, mawinan ipun kawastanin "Datuak" utawi "Inyiak". Datuak salanturnyane dados inspirasi ring seni bela diri macan silek (silat). Seni bela diri puniki nganggen senjata sane mawasta “kurambik,” antuk pisau alit sane mirib kuku macan. Wenten taler mitos sane maosang yening bela diri sane nguasayang gaya puniki prasida mauwah dados macan.[5]
Kapercayain Cindaku kantun wenten ring jagat Minang, makhluk puniki boya ja manusa sane kasumpah nanging sujatinnyane jadma sane madue kaweruhan gaib murni saking leluhurnyane.
- ↑ Makhluk Mitologi Cindaku. Kumparan.com
- ↑ Cindaku Kekuatan Harimau Warisan Neneng Moyang Pada indozone 30 Agustus 2019
- ↑ Makhluk Mitologi Cindaku, Manusia Harimau Penjaga Hutan Kerinci Jambi Pada goodnewsfromindonesia 29 Juli 2021
- ↑ BAB II CERITA MITOS CINDAKU HARIMAU SUMATERA DAN OPINI MASYARAKAT. Elibrary.unikom.ac.id
- ↑ Budaya Menghormati Harimau dari Aceh Hingga Bengkulu. Liputan6.com