Tegalan Ceking
(Kagingsirang saking Ceking Terrace)
Ceking Terrace (utawi Tegalan Ceking) inggih punika silih tunggil genah wisata sané wénten ring désa Tegallalang, Gianyar, Bali. Ceking Terrace ngicénin kahanan palemahan sané luih, carik sané kasusun luih maundag-undag ring abingé. Satunggil rahina, genahé punika setata karauhin antuk wisatawan, wénten wisatawan lokal wiadin wisatawan dura negara sanè moto sekancan napi sané kakantenang irika sangkaning meled nyantenang kaluihan abingé irika. Sangkaning akehnyané wisatawan sané rauh irika, ngawinang krama raris makarya makudang-kudang sarana sané kabuatang sekadi restauran, cafe, toko souvenir khas Bali wiadin sarana panegep sané tiosan sekadi ayunan miwah masepédan ring luhur.