Bukit Teletubbies, Jayapura
Bukit Teletubbies Jayapura utawi ketah kawastanin olih krama Doyo Lama pinaka Bukit Tungkuwiri inggih punika obyék wisata sané magenah ring Kampung Doyo Lama, Waibu, Kabupatén Jayapura Papua.[1] Bukit Tungkuwiri meganah masampingan sareng Danau Sentani ring wewidangan Pegunungan Cycloop. Bukit Tunguwiri utawi Bukit Teletubbies nika prasida karereh ring 20 menit mamargi saking Bandar Udara Sentani.
Wastan Bukit Tungkuwiri saking kruna tungku miwah wiri sané madué teges gunung tur pinaka basa asli kampung Doyo Lama. Manawi sengguhan Bukit Teletubbies kakawi olih wisatawan mawinan bukit niki madué wentuk sané mirib sakadi bukit sané wénten ring serial anak alit Teletubbies.[1] Mangkin, anggé nuju Bukit Teletubbies keni prabéa ngranjing akéhnyané 10 tali Rupiah majeng montor miwah 20 tali Rupiah majeng montor gedé.
- ↑ 1,0 1,1 Teras.id (2020-01-11). Kustiani, Rini (ed.). "Wisata Bukit Tungku Wiri, Bukit Teletubbies di Jayapura". Tempo.co (ring Indonesia). Kaaksés 2020-03-14.